Korte den apelashon ta dikta veredikto manan (vandaag, red) kontra Gerrit Schotte i su pareha Cicely van der Dijs. Mañan atardi mitar di dos, wes mr Diederik Radder lo lesa e veredikto den Kaso Babel.
Den esaki ta akusá eks promé minister Gerrit Schotte i Cicely van der Dijs di entre otro labamentu di plaka i falsifikashon. Den promé instansha Korte a sentensia Schotte na un kastigu di tres anan di prizon plùs sinku anan ku e no por pone su mes riba un lista elektoral.
Su pareha a risibí un kastigu menor. Schotte a apelá e sentensia pero den apelashon abogado general a ripití mesun eksigensia di kastigu. Diferente e bia aki ta ku Ministerio Públiko a pidi Korte pa dado kaso Schotte i van der Dijs risibí kastigu, pa nan keda enkarselá mesora.
Bron: Telecuracao Multimedia