24Ora | Kustwacht a descubri 300 kilo di cocaina scondi den container

Kustwacht a descubri 300 kilo di cocaina scondi den container | REUTERS

Bao guia di Ministerio Publico di Aruba, e Unidad di Criminalidad Organiza di Cuerpo Policial di Aruba a tuma cinco container di hero bieu den beslag riba diabierna ultimo den haf di Barcadera.

E containernan a wordo hiba pa marinierskazerne na Savaneta, unda nan a wordo habri y ristra riba diasabra y diadomingo cu ayudo di e 32e raiding squadron di Korps Mariniers, di Arubaanse Militie y Kustwacht. A resulta cu tabatin cocaina scondi den klepnan di baki di pick-upnan, cu cada uno mester a wordo corta habri.

En total a tuma mas o menos 300 kilo cocaine den beslag. Awemainta e homber R.D.R. di 30 aña di edad (Venezuela) a wordo deteni relaciona cu e investigacion. No ta exclui mas detencion. E investigacion ta sigui full speed.

Bron: 24Ora

Geef een reactie

Het e-mailadres wordt niet gepubliceerd. Vereiste velden zijn gemarkeerd met *