Uw ingezonden brief in de Knipselkrant Curaçao?
Stuur uw brief voor 17:00 uur naar emailadres: INGEZONDEN
Wij publiceren uw brief zonder deze in te korten.
De redactie van de Knipselkrant Curaçao is niet verantwoordelijk voor de inhoud.
Ingezonden stukken die beledigende of discrimeneerende taal inhouden worden door ons niet gepubliceerd.
Vandaag klom ” G. MATHILDA ” voor ons in de pen…………..
MINISTER BALBORDA, Mi tin mas di 33 aña bibiendo den Pietermaai den kaya W.P. Godett. Te ku un par di aña atras si bo bisa un persona bo ta biba den Pietermaai, su nanishi ta trèk bai ariba di e oló di atrako, ladronisia i vandalismo den e area. Kon bo por yui! Ta e pregunta ku bo ta haña. Pietermaai small a bira un Santana di crimen. Santana ya ku ningun krimen ta ser solushona dor di polis, kaso spiritu. A bai un karta firma pa diferente habitante pa sra Gezaghebber (2009) suplikando pa laga instala sikiera 2 camara den ka Wilson Papa Godett i 2 den Nieuwstraat pa por yuda baha i resolve ola di crimen den Pietermaai. Te awe nada nada a sosede. Nada nada (t)asosede, ni un reakshon riba e petishon. Tambe a pidi (fo’i 2006) pa marka e strepi riba kaya Wilson Papa Godett pa duna mehor direkshon di trafiko na automobilista i peaton. Silencio, nada, ni reakshon ni hechos di parti gobiernu (su departamentunan). Tòg nos gobiernunan ta papia ketu bai di Kòrsou riba lista mundial di monumento. Awor un grupito a pensa kon ta hasi pa reskata e (sobra) monumentonan i trese bida bèk den Pietermaai i elimina e ‘Santana’. Mi ta kompletamente di akuerdo ku si tin regla, esaki mester ser sigui i mester kontrola. Pregunta ta unda Gobiernu (i su departamentunan) ta keda ku nan tarea, nan obligashon di yuda e desaroyado pa e desaroyo por kontinua, sigui krese i stimula asina mas desarayo manera e projekto di Mega pir na Pietermaai/ Marichi i projekto Waaigat di direktor di Banco di Caribe. E desaroyo(nan) den Pietermaai ta pa Kòrsou, su pueblo, su ekonomia, su turismo, soshal, suparti di bibienda etc. Sr. Balborda, gobiernu tin ku traha konhuntamente i di forma konstruktivo na desaroyo di e area, na desaroyo di Kòrsou. Asina Kòrsou i su pueblo por bai dilanti, por tin prosperidat i produktividat. Ta esaki nos ta verwacht di nos gobiernu i su departamentunan. Sr. Balborda ban traha huntu, kopera ku otro di forma konstruktivo pa bienstar di nos Pais Kòrsou. Un turista ta kana saka portret den Kaya W.P.Godett ta bisa ku un smile: ‘This is a nice place’. Sure, I have equal thoughts madam mi ta konteste. ‘Yes, thanks for sharing’ e turista ta agrega i ku un smile e turista sigui kana.
G. MATHILDA
Curaçao
Advertentie