Ambulans ta bòltu transportando pashènt pa Poli

Door:  Curt Arroyo

ambulance-1WILLEMSTAD,- Tabata den kareda di mitar di sinku di mardugá, ku polisnan mester a bai EEG-weg pa un aksidente di tráfiko serio, despues ku un ambulans di GGD a bòltu durante transporte di un pashènt pa Poli. Polisnan ku a yega rápidamente na e sitio a konstatá ku e ambulans tabata di bòltu i mal pegá den un palu di lus kantu di kaminda. Mesora a pidi asiatensia di e ekipo di reskate di brantwer na e sitio, komo kiera ku mester a kòrta e ambulans di manera ku por a liberá e dama shofùr kende a keda mal pegá den e ambulans.

ambulance-2Mester a pidi presensia di otro unidatnan di ambulans tambe na e sitio, ya ku mester a transportá e pashènt ku tabata den e ambulans aksidentá pa poli i tambe mester a transportá e kolega paramédiko i e dama shofùr pa poli di manera ku nan por a risibí tratamentu médiko. Informashon ku Notisia360 a logra kompilá na e sitio dje aksidente ta indiká ku e ambulans a sali for di Barber i tabata transportando un kabayero pa poli, despues ku nan a bai duna asistensia i a konstatá ku e kabayero lo mester a sufri un ataka di kurason i ya tabata sintiendo parti di su kurpa poko lam.

ongeval van ambulanceTabata na altura di Pietersz Import ku e dama shofùr a hañé ku un bògt leve i tambe kaminda muhá.
Na e momento ei e ambulans a kuminsa zeila i e dama shofùr a pèrdè kòntròl por kompleto riba e vehíkulo ku konsekuensia ku e ambulans a zwai bai riba e banda robes pa despues bai riba e banda drechi i finalmente baha for di kaminda i dal den kurá di un kas i finalmente bai bòltu i brasa un palu di lus.
E impakto tabata asina fuerte ku e dama shofùr a keda pegá den e kabina, miéntras ku tantu e pashènt komo e kolega paramédiko a resultà leshoná i a pasa tambe den un tremendo sustu pasó nan no tabata sa ta kiko tabata pasando i ta bòltu nan a keda bòltu di un banda pa otro.

ambulance-4Koleganan di ambulans ku a yega na gran kantidat na e sitio dje aksidente mesora a kuminsá duna promé asistensia na e pashènt i e kolega ku tabata patras den e ambulans, miéntras ku personal di brantwer a okupá nan mes ku reskate dje dama shofùr.
A dura algu mas ku un ora pa por a kaba di kòrta e ambulans di manera ku por a liberá e dama shofùr i finalmente transporté pa poli pa e por a risibí tratamentu médiko.
Polis dje departamentu di tráfiko ta investigando e aksidente aki mas aleu.

ambulance-5

 

ambulance-6

 

Geef een reactie

Het e-mailadres wordt niet gepubliceerd. Vereiste velden zijn gemarkeerd met *