‘Burney ‘Nini’ Fonseca ta liber

Burney ‘Nini’ Fonseca ku su mayornan – – potrèt: Dick Drayer

WILLEMSTAD – E supuesto intermediadó entre e dunadónan di enkargo i e outornan di e asesinato riba Helmin Wiels, Burney ‘Nini’ Fonseca a sali liber awe tardi. E ta keda sospechoso i e por warda su kaso den libertat bou di kondishon ku e ta entregá su pasaporte i ku e ta keda disponibel pa hustisia. Fonseca a sali ku su mayornan i a bisa algu kòrtiku na prensa: “dios bendishoná pueblo.”

Nini a reakshoná emoshonalmente riba e sentensia. Ayera ainda el a boga ku ‘e no tin nada di hasi ku e bagamunderia aki’ i ku e ‘ke bai bèk serka su kasá i su yunan’. Wes ta bai di akuerdo ku e defensa di abogado Marije Vaders, ku Nini tin diesun luna kaba den aresto preventivo i ku no tin bista riba e kabamentu di e investigashon di Ministerio Públiko.

Burney ‘Nini’ Fonseca ta bisa algun palabra (Dick Drayer)

burney nini fonseca-5

‘Burney ‘Nini’ Fonseca ta liber – – potrèt: Dick Drayer

Desepshon
“Esaki ta un desepshon total pa nos famia. Mi no ta hurista, ta wes lo sa”, Aubert Wiels ta reakshoná derotadamente. Kaminda ruman Aubert ta presente den korte tur dia i ruman muhé Marvelyne tabata presente e promé dos dianan, ruman Werner ta distanshá su mes. “Mi no a bini korte ni mi no a skucha.

E kaso ta den bon man pero esaki no por trese mi ruman bèk. Mi no tin opinion tokante e libramentu di Fonseca” e ta reakshoná. “E dianan aki ta hopi emoshonal.”

Bron: Caribisch Netwerk/NTR
Outor Leoni Leidel-Schenk
Zie ook: Dossier: Helmin Wiels – Moord

Geef een reactie

Het e-mailadres wordt niet gepubliceerd. Vereiste velden zijn gemarkeerd met *