TC | COOKOUT PRENSA SIMAN DI KULTURA

Empleadonan di TeleCuraçao tambe a partisipá aktivamente den un dje kompetensianan ku Kas di Kultura a organisá den kuadro di siman di kultura, esta, e Cook Out di Prensa. Lamentablemente tur medio di komunikashon a kanselá nan partisipashon ayera nochi, pero esaki no a deskurashá e dos timnan di TeleCuraçao ku a yama nan mes: Tim TeleKòki i Tim Gewoon Heavy. Tur dos tim a prepará platonan sukulento pa e huradonan i e bishitantenan ku a bin wak nan kushiná na Hòfi Barbolina.
Tim TeleKòki a konsistí di miembronan di redakshon di notisia i tambe un kolega di TCFM, miéntras ku Tim Gewoon Heavy a konta ku kolega di diferente departamentu di TeleCuraçao. Aunke e no tabata un kompetensia ofisial, tòg e huradonan a skohe un ganadó na final di dia i esaki a resultá di ta, e tim di notisia! Un danki spesial ta bai na e spònsernan ku a yuda tur dos tim di TeleCuraçao imensamente ku tur lokual nan tabatin mester: Mementos, Mister and Miss Exclusive i Paga Ménos. Masha Danki!!!

Bron: Telecuracao

Geef een reactie

Het e-mailadres wordt niet gepubliceerd. Vereiste velden zijn gemarkeerd met *