Extra | 12 asesinato den 4 luna: mayoria sin solushon

12 asesinato den 4 luna: mayoria sin solushon | Extra

WILLEMSTAD.- E aña, den apénas 4 luna di aña ya Kòrsou tin 12 asesinato. Mayoria di nan si tene na kuenta e estilo di asesinato por papia di likidashon.

Te kaminda EXTRA por tin anotá, mayoria di e asesinatonan ei ta sin solushon. I mayoria di nan no tin ni indikashon ta unda pa kue, esaki nos a komprondé for di un bon fuente den e kadena hudisial.

Pero miéntras ku hustisia ta kibrando kabes pa solushoná e kasonan ei, e reglamentu di kuenta ta sigui.

E último asesinato ta den Mirla Plateweg kaminda un hòmber i un muhé a pèrdè nan bida. Den kaya por tende diferente vershon ta sirkulá. EXTRA no ke drenta den detaye di e vershonnan aki ku no por keda konfirmá pa polis. Loke si ta remarkabel i ku a hala nos atenshon ta ku vershonnan na e sitio di e insidente di djadumingu pasa ta papia di trampa ku a traha pa un di e víktimanan. Promé ku esaki a pèrdè su bida, testigunan den serkania di e insidente a mira kon el a usa e dama aki komo eskudo pa dek su mes di e agresornan ora esakinan a kuminsá basha bala riba dje. Pero bala ku a pasa dor di kurpa di e víktima dama lo a kue e hòmber skondí su tras. Testigunan den serkania a tende e hòmber aki bisa e muhé ku e tabatin su dilanti wanta ku “bo a bende mi ku nan”.

Remarkabel ta ku ta diferente tipo rasta ta keda asesiná den e 4 lunanan ku a pasa. I den e kuadro aki nos a komprondé tambe for di fuentenan hudisial ku e 4 asesinatonan na Berg Altena di kual un tabata un rasta, lo a keda likidá despues ku a konfundié ku un otro ku e asina yama miembronan di geng lo tabata buskando.

Miéntras tantu na Ulanda tambe ta mata otro yu di Kòrsou ayera, tambe parse un tipo estilo rasta. Kiko e lo tin di aber ku e kasonan na Kòrsou, no ta konosí.

Tin un situashon sumamente delikado ku Kòrsou ta bibando den dje aktualmente i esei ta asuntu di gengnan. Den kombersashon ku fiskal di Ministerio Públiko algun tempu atras el a menshoná e asuntu di gengnan na Kòrsou.

I aki nos no ta referí na un ni dos geng, pero ta diferente nan ta. No ta kuestion di stèmpel un geng ku e asesinatonan ku tin tras di porta.

Den un investigashon algun tempu pasa ku Ministerio Públiko a hasi, a bin Sali na kla ku di e mas di 60 grupo ku ta yama nan mes geng na Kòrsou, tin 10 ku ta gengnan serio, esta gengnan grandi. Mayoria ta forma pa hóbennan i esnan mas serio ta forma pa hendenan mas adulto.

Segun EXTRA den e formashon di Gobièrnu nobo aktualmente pa Kòrsou, e kartera di mas importante ta esun di hustisia. Ta rònt di hustisia praktikamente tur kos ta drei. Si tin pobresa den un pueblo, ta hustisia tin doló di kabes ku oumento di kriminalidat. Den e puesto aki ta ferwagt un persona ku konosementu hudisial amplio pa dal e pasonan ku kurashi den estrecho kooperashon ku e otro Ministernan pa limpia e nòmber di Kòrsou i asina sigui traha riba kresementu ekonómiko.

Bron: Extra

3 Reacties op “Extra | 12 asesinato den 4 luna: mayoria sin solushon

  1. Eric, Nog iets opmerkelijk. De rasta die in Rotterdam is neergeschoten is de jongere broer van de rasta die bij de Mirla Plateweg werd vermoord.

    Overigens was er na de moord een groot feest in een dichtbij gelegen barrio…

  2. Eric Lapdance het zijn die type mensen die op MFK en KdNT hadden gestemd.
    Kijk maar hoe het stemgedrag van de bewoners van SDKK en andere criminele wijken op Curaçao o.a Stemlokaal 21,22, 38,107 Marchena Wishi, Seru Fortuna.

    http://read.amigoe.com/i/817557-za-29-april

  3. ericlapas

    Remarkabel ta ku ta diferente tipo rasta ta keda asesiná den e 4 lunanan ku a pasa. Kan geen toeval zijn gisteren is ook een rastra type in Rotterdam Zuid neergeknald. Misschien nu dat Nederland en Curaçao weer dikke vrienden zijn, kunnen zij een gezamenlijke Taskforce vormen.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *