ROTTERDAM./ WILLEMSTAD. – Ultimamente gran kantidat di droga ta ser mandá Europa via di hafnan di Ulanda i Bèlgika. Mas resien asta ta kombiná dos haf pa trata di despistá outoridatnan.

Orígen di e droga tambe mayoria biaha awor ta pasa vários puerto promé ku kue rumbo pa e destino final sea ta Antwerpen òf Rotterdam.

E dos puertonan aki ta mashá usá. Den e añanan resien a detektá i konfiská kargamentunan gigante di míles di kokaina skondí entre fruta for di Amérika sentral i Sur Amérika. Un siman pasá na Rotterdam a konfiská mas di 500 kilo di kokaina den un kònteiner bashí.

Ultimo puerto ku el a pasa tabata Sürnam. Promé ku esei lo el a pasa Kòrsou, kaminda a pone un maleta ku 20 kilo aden. Den e maleta outoridatnan a haña prueba ku e maleta ta di Kòrsou. Informashonnan verídiko ta indiká ku a detené un persona den e kònteiner na Rotterdam.

Bron: Extra