Extra | 23 detenshon durante aktividatnan polisial Gran Marcha 2017

23 detenshon durante aktividatnan polisial Gran Marcha  | Persbureau Curacao

Nota: Gran Marcha mester a sali 11’or di mainta i terminá 19.00’or(orario stipulá den e pèrmit) E marcha a sali 12.15’or i terminá 21.20’or esaki a trese bastante difikultat pa Kuerpo Polisial pa e trabou ku mester ehersé.

Kòntròl di e Departamentu di pèrmit di MEO (ku asistensia)Kuerpo Polisial:

  • A tene kòntròl riba 50(sinkuenta) lugá di horeca.
  • A sera 1(un) lugá di horeca
  • A stòp 2 lugá di horeca ku no tabatin pèrmit pa traha bar pafó di e edifisio.
  • Tabatin 6 lugá di horeca ku tabatin DJ pafó ku no tabatin pèrmit pa esaki

Kòntròl di Milieu Dienst
Milieudienst a kontrolá e kantidat di desibèl di bandanan i DJ na diferente punto riba e ruta.

Un total di 23 detenshon

1. Alrededor di 12.25’or polis a detené e hòmber P.R.C. nasé na Kòrsou, 39 aña di
edat riba Schottegatweg West pa posishon di droga.
2. Alrededor di 12.30’or polis a detené e hòmber Q.R.J. nasé na Kòrsou, 16 aña di
edat na Schottegatweg West pa posishon ilegal di munishon.
3. Alrededor di 12.45’or polis a detené e hòmber S.E.N. nasé na Kòrsou, 26 aña di
edat den Schottegatweg West pa posishon di droga.
4. Alrededor di 14.05’or polis a detené e hòmber D.D.I.W. nasé na Kòrsou, 23
aña di edat den Roodeweg pa posishon di droga.
5. Alrededor di 14.20’or polis a detené e hòmber S.D.M. nasé na Kòrsou, 22 aña
di edat den Sesalstraat pa posishon di droga.
6. Alrededor di 14..20’or polis a detené e hòmber J.R.M.E.S. nasé na Kòrsou, 17
aña pa posishon di un arma riba Charoweg.
7. Alrededor di 14.50’or polis a detené e hòmber J.J.O. nasé na Kòrsou, 20 aña di
edat na Weg naar Welgelegen pa posishon di droga.
8. Alrededor di 14.50’or polis a detené e hòmber R.M.J.G. nasé na Kòrsou, 24 aña
di edat na Weg naar Welgelegen pa posishon di droga.
9. Alrededor di 16.20’or polis a detené e hòmber R.R.M. nasé na Kòrsou, 29 aña
di edat den Roodeweg pa posishon di droga.
10. Alrededor di 17.00’or polisnan atento a detené e hòmber D.T. nasé na Kòrsou, 35 aña di edat den Roodeweg pa malversashon den relashon di trabou. Hustisia tabatin búskeda di e sospechoso aki.
11. Alrededor di 17.35’or polis a detené e hòmber R.R.R. nasé na Kòrsou, 25 aña di edat den Mgr. Surinamesteeg pa posishon ilegal di arma di kandela(Revolver i bala skèrpi).
12. Alrededor di 17.55’or polis a detené e hòmber J.A.Da C. nasé na Kòrsou, 46 aña di edat den Mgr. Niewindtstraat pa opstrukshon. (E la stroba polisnan kumpli ku nan trabou den mantenshon di órden públiko)
13. Alrededor di 17.50’or polis a detené e hòmber S.M. nasé na Kòrsou, 31 aña di edat den Roodeweg pa posishon di droga.
14. Alrededor di 18.00’or polis a detené e hòmber M.E.J. nasé na Kòrsou, 50 aña di edat den Roodeweg pa posishon di droga.
15. Alrededor di 18.18’or polis a detené e hòmber T.B.K. nasé na Kòrsou, 21 aña di edat den Roodeweg pa posishon di droga.
16. Alrededor di 18.25’or polis a detené e hòmber L.R.H.J. nasé na Kòrsou, 20 aña di edat den Rifwaterstraat pa posishon di droga.
17. Alrededor di 18.30’or polis a detené e hòmber R.M. nasé na Kòrsou, 29 aña di edat den Waterfortstraat pa posishon ilegal di arma.
18. Alrededor di 19.00’or polis a detené e hòmber R.C. nasé na Kòrsou, 22 aña di edat den Conciëntiesteeg pa posishon di droga, menasa i insulto.
19. Alrededor di 19.00’or polis a detené e hòmber J.E.H. nasé na Kòrsou , 20 aña di edat den Otrobanda pa posishon di droga.
20. Alrededor di 20.15’or polis a detené e hòmber S.A.W. nasé na Kòrsou, 44 aña di edat den Breedestraat(O) pa posishon di droga. Durante di e detenshon aki algun persona a mete i a agredí e polis aki dor di dal e un moketa den su kara i kibra su brel. Dor di e akto aki e la haña kòrtá na su kara i nanishi. Polis mesora a detené e agresor aki. A transportá e polis pa poliklínika pa tratamentu médiko. Su situashon ta stabil. En konekshon ku e kaso aki polis a detené e 3 siguiente sospechosonan:
21. Alrededor di 20.20’or polis a detené e hòmber G.P.L. nasé na Kòrsou, 19 aña di edat den Breedestraat(O) pa maltrato, in resistí aresto(agreshon kontra agente polisial).
22. Alrededor di 20.28’or polis a detené e dama C.L. nasé na Kòrsou, 36 aña di edat den Breedestraat(O) pa resistí aresto i insulto(agreshon kontra agente polisial).
23. Alrededor di 20.30’or polis a detené e dama F.N.C. nasé na Kòrsou, 22 aña di edat den Breedestraat(O) pa opstrukshon di trabou di polis(agreshon kontra agente polisial).

Vehíkulonan ku a falta ku regla:

A transportá un kantidat di vehíkulo ku tabata mal pará òf ku tabata opstakulisá tráfiko òf ku no tabata kumpli ku lei (entre otro na Blanquillaweg, Otrobanda, Roosendaalweg, Parimaweg). A tou e vehíkulonan aki ku kran i hiba nan riba e tereno di Isla Verde. E doñonan por pasa tuma e vehíkulonan aki despues ku nan bai paga pa e transpòrt ku kran. Esnan ku tin defektonan tékniko òf no tin e dokumentonan rekerí na òrdu mester regla esakinan tambe promé ku por bai ku e vehíkulo i tin ku bai ‘HCC terrein’ (kurá) bai atendé asuntu di nan vehíkulo.

Algun di e otro kasonan ku a hala atenshon:

  • Na vários okashon polis mester a bai na e barikada(nan)/kadena ku a pone atraves di e ruta pa evitá ku tráfiko ta sigui drenta despues ku a sera e kamindanan, pasombra persona(nan) no outorisá tabata kita, destruí i basha e barikada(nan) abou.
  • Na diferente okashon Krus Kòrá òf F.K.A. mester a duna asistensia na personanan ku a bira malu (den grupo i kantu di kaminda).
  • Atraves di e ruta na numeroso okashon e públiko a saka e ‘drangheknan’ for di otro i a subi kaya.
  • Polis mester a hala atenshon di diferente partisipante den grupo ku tabata komportá nan mes indesente i di forma no apropiá.
  • Polis a intervení i para un kantidat di diskushon i bringamentu.
  • Spiker di un banda musikal ku tabata riba un trailer den e marcha a lòs i kai riba un partisipante ku tabata kana tras di e trailer. E dama aki a haña leshon na su brasa. Krus Kòrá a dun’é asistensia.
  • Tabatin un banda musikal públikamente ku tabata toka piesanan ku palabra malu i insolente aden. Esei ta e pèrmit ku a otorgá pa e evento aki ku konsekuentemente ta kontra di regla i lei. Polis lo no tolerá esaki i ta aktua mesora.
  • Alrededor di 11.58’or un vehíkulo grandi ku ta distribuí produkto riba e ruta di karnaval, a dal den un kabel di koriente di vòltahe haltu i a trèk esaki bin abou. E kabel aki a kai riba algun stèlashi. A evakuá e bisindario pa Aqualectra remediá e situashon. No tabatin herido.
  • Alrededor di 13.19’or un señora a slep na altura di JPF i a haña leshon na su rudía. Krus kòrá a dun’é asistensia.
  • Alrededor di 14.54’or AGKK a ekspulsá grupo number 2 pa motibu ku nan komportashon tabata inakseptabel pa públiko i dor di esaki e situashon tabata peligrá e órden públiko.
  • Alrededor di 15.53’or un dama pa motibu deskonosí a kòrta su pia ku un blet. Krus Kòrá a dun’é asistensia.
  • Alrededor di 19.15’or den Boerhavestraat un ’repeater’ di un banda musikal alkansá un partisipante na su pia. Krus kòrá a transportá e víktima aki.
  • Alrededor di 19.32’or tabatin un insidente den Breedestraat (O) kaminda un persona a fraktura su brasa.
  • Alrededor di 20.42’or polis a haña tres(3) mucha menor di edat ku tabata pèrdí. Mas lat a lokalisá nan mayornan ku a bai ku nan yu.
  • Despues di marcha polis mester a atendé na diferente okashon ku hendenan kantu di ruta ku tabata toka muzik duru.
  • Polis ta súplika un i tur ku si nan a bira víktima di kualke kiebro/robo den outo òf den kas inkluso riba e ruta di karnaval òf den bisindario di kaminda e marchanan di karnaval ta pasa pa kòrda hasi denunsia na kualke warda di polis.

Bron: Extra

Een Reactie op “Extra | 23 detenshon durante aktividatnan polisial Gran Marcha 2017

  1. Allemaal na-apers van jacinta

Geef een reactie

Het e-mailadres wordt niet gepubliceerd. Vereiste velden zijn gemarkeerd met *