Extra | A kumpra CTEX pa salvaguarda interesnan di UTS

CEO UTS Paul de Geus: ‘UTS TA KUADRA KU TUR LEI I REGLA KONSERNI’

CEO UTS Paul de Geus wil CTEX behouden voor de gokbelangen van UTS

WILLEMSTAD.- Kompra di e kompania CTEX ta kuadra kompletamente ku e filosofia den kua telekomunikashon ta bayendo. “Ta esei ta e hustifikashon pa kua nos a tuma e desishon pa kumpra e kompania.

Ademas tabata e úniko forma pa salvaguardá nos invershonnan”, asina direktor di UTS, Paul de Geus a bisa relashoná ku e desaroyonan pa loke ta trata e sentro di data. Resientemente a bende e proyekto na findishi.

De Geus a bisa ku for di desèmber último, UTS a bira e promé benefisiario di e kompania i a kumpra e fiansa di e bankonan. Esei a enserá ku si bende e kompania na findishi pasobra e kompania no por kumpli ku su obligashonnan mas, e promé kompania benefisiario ta UTS. Esei enbèrdat a resultá e kaso i a bende e kompania na findishi. UTS a kumpra tantu e edifisio, operashon i e klientenan. “Nos a pone e kompania den un supsidiario di UTS ku yama UTS Data Center. Lo bai traha riba “rebranding” di e sentro di data, kisas ku un otro partner pa asina e kompania por sigui operá den futuro”, asina De Geus a bisa.

Riba e pregunta kiko a bai robes den e proyekto, De Geus a bisa ku e ta kere ku e proyekto tabata demasiado grandi.” A trah’é demasiado grandi pero no a tene kuenta ku mester di plaka tambe pa oper’é. Ademas e forma ku tabata manehá e kompania no tabata inspirá pa hinka mas sèn den e proyekto aki”, asina De Geus a bisa. E ta kere ku e publisidat negativo ku tabatin na kuminsamentu di e proyekto tambe a hunga un ròl. ‘Un sentro di data por funshoná den un ambiente di konfiansa pasobra ta datonan sensibel ta pone serka bo. Si no tin konfiansa ku por operá pa largu tempu, e klientenan no ta bin serka bo. E konfiansa ei no tabata tei. E kliente tambe ta mira ku tabatin hopi diskushon i tabata sinta warda kon kos ta desaroyá promé ku tuma un desishon”.

Ku e desishon pa kumpra e kompania, UTS a salvaguardá su 5 mion dòler inisial den e proyekto. “Si nos no a tuma e paso aki, outomátikamente nos lo a pèrdè e invershon di 5 mion dòler. Ta bankonan lo a haña nan sèn promé i e akshonistanan na último lugá. Banda di esei nos a haña e oportunidat pa kumpra un edifisio i operashon pa mas balor ku e ta. Ta un bon invershon. En total nos a paga 17 mion dòler(inkluyendoe5mion dòler di promé invershon) pa un edifisio ku ta bal hopi mas ku esei. Nos mester a drenta den e proseso pa garantisá nos invershon”, asina el a bisa.

E edifisio ta bal mas ku 32 mion florin.

Mas aleu De Geus a komentá ku ta bon pa tene kuenta ku e sentro di data ta un ekspanshon lógiko di kualke kompania di telekomunikashon. Ta den e direkshon ei mundu di telekomunikashon ta bayendo. “Kòrda ku nos mes tabatin nos plan pa traha nos sentro di data. Nos no a hasi esei mas despues ku CTEX a bin pa evitá e efekto di trahamentu di snèk. Pero enbèrdat e no a funshoná manera mester ta”, asina el a atmití.

E gerente a bisa ku awor aki por bai sigui traha riba e konsepto den tur trankilidat. A base di e trabou aki, lo sigui traha riba e konsepto i trata di interesá mas kompania. Ketu bai CTEX, awendia UTS Data Center, ta un sentro di data hopi avansá den nos region ku ta den posishon pa protehá data di klientenan, sigur ora tin kalamidatnan manera un temblor òf orkan fuerte. E konsepto TIer 4 riba kua e sentro ta basá ta úniko den nos área ketu bai.

Den e kaso mas ekstremo ku e konsepto di sentro di data no logra, ainda por usa e edifisio pa warda nos ekiponan den dje, manera ta tumando lugá awor aki kaba na Vredenberg, asina De Geus a bisa.

Bron: Extra

Een Reactie op “Extra | A kumpra CTEX pa salvaguarda interesnan di UTS

  1. http://www.utopiatv.nl/live/overview/clip/2016-04-10

    Ik ben live Utopia aan het kijken, met Surinaamse muziek. Doe een stapje naar voren doe een stapje terug enzoooo.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *