Extra | A usa ‘Smart Zoning’ komo palu pa dal kacho

Smart zoning is – net als Smart Nations-  een van de commerciele “smart” platformen van KPMG/BearingPoint. Deze worden o.a. gepromoot door VVRP Minister Suzy Camelia Romer en BTP Directeur Franklin Sluis | Foto www.smartgovernments.net

WILLEMSTAD.- Ta opvio ku Melvin “Mac” Cijntje su meta tabata pa tumba gobiernu, i el a usa e kuestion di “Smart Zoning” komo palu pa dal kachó!

Asina Minister di Trafiko, Transporte i Planifikashon Urbano, sra. Suzy Camelia-Romer a duna di konose durante un konferensia ku prensa ku el a konvoka ayera tardi. Manera ta konosi, dia 12 di februari ultimo a surgi un krisis den gobiernu despues ku tantu Cijntje komo parlamentario Sherwin Leonora di frakshon di Pueblo Soberano a kita nan sosten na gabinete Koeiman. Tabata konosi tambe ku sr. Cijntje sorpresivamente a sostene un moshon ku a keda presenta dor di e frakshon di MFK ku e instrukshon pa lanta un komishon di Smart Zoning pa trese struktura den zonifikashon di arianan den EOP. Banda di esei e komishon lo tin di risibi un suma di 1 mion florin pa paga ekspertonan pa bini ku un konsepto di lei.

Durante su enkuentro ku prensa Minister Camelia-Romer a splika dikon na su opinion e krisis den gobiernu a ser orkestrá i ku a usa e kuestio di Smart Zoning komo preteksto pa kousa e krisis. Den forma kronologiko e mandatario a splika kiko a sosode te ku dia gobiernu a kai.

Segun e mandatario, awor e ta kompronde dikon ministernan di Pueblo Soberano semper ser mandá kas. Ta pa motibu ku parlamentarionan kier sinta riba nan stul.

Pero el a sinti e problemanan ta bini for di oktober 2016 durante un programa na un radio lokal. For di despues di un konferensia na Quito a bini un palabrashon entre Cijntje i Gerrit Schotte kon a bai atende ku Smart Zoning.

Na luna di november 2016 Cijntje a bai di akuerdo ku e moshon di Schotte, i esei no opstante ku el a pidi pa kambia e palabra “instrui” pa “urgi”, ya ku e no ta kere ku mester instrui ningun minister. E loke nan kier a hasi ta kita un parti di su kartera (Planifikashon Urbano) pa laga e komishon enkarga kune. El a konsidera ku si tin di kita parti di su kartera, anto e lo tin di retirá. E moshon a keda aksepta.

Dia 15 di desember 2016 a firma e Akuerdo di Gobernashon ku sosten di Cijntje tambe. Despues nan a kita sosten tog for di gabinete. Pero e kuestion di zonifikashon tabata palu pa dal kachó. Segun Camelia-Romer e ta konvensi ku ta for di un prinsipio tabatin plan pa tumba e gobiernu aki. E ta asina opvio!

Bron: Extra

Lei ta permití pa bai mas ku dos piso pa bibienda popular

Minister Suzy Camelia Romer: Lei ta permití pa bai mas ku dos piso pa bibienda popular | Foto Extra

WILLEMSTAD.- Un dje proyektonan grandi ku gobièrnu a traha riba dje ta kambio di destinashon di Oostpunt. E proyekto aki no tabata unu fásil. Esei di akuerdo ku Minister di Tráfiko, Transporte i Planifikashon Urbano, sra. Suzy Camelia-Römer, durante un enkuentro ku prensa ku el a konvoká.

Mas aleu el a splika ku otro proyekto legal grandi ku gobièrnu a kuminsá entamá den e último kuater añanan tabata pa integrá dos lei di urbanisashon i tambe EOP den un konsepto di lei ku a ser yama Elroc. E último aki a ser manda pa konseho pa e departamento di asuntunan hurídiko pa wak si e ta den un bon bachi legal.

Pa bini bek riba e kambio di e lei di EOP, despues di trinta aña esaki a bini kla. E lei aki a ser pone riba e trayekto pa wak sigur ku tur kos ta bon, si e lei ta bon balansá. Ta un lei ku a pasa den Parlamento i tur hende tabata di akuerdo kuné.
Mas aleu tin un konsepto di lei den tapara ku ta e Ordenansa pa Konstrukshon i Bibienda. Asina tin mas lei ku ta den tapara pa ser revisá. Pues ku esaki e ke mustra ku, bo no por kambia sierto leinan, sigur riba tereno di urbanisashon, sin tene kuenta ku otro ordenansanan, pasobra tur esakinan ta komplementá otro.

Ta hopi aspekto tin di tene kuenta kuné den planifikashon di bo pais.
Un otro aspekto ku e minister a toka ta e kuestion di altura di bibiendanan ku ta ser permití aki na Kòrsou. Ta ser bisa pa hopi tempu kaba ku lo no ta permití pa traha kas ku ta mas haltu ku 8 meter, loke ta nifiká ku lo por yega solamente dos piso. Pero leinan di urbanisashon i zonifikashon ta duna espasio pa bai mas haltu. Komo ehèmpel e mandatario a duna e bario di Sapaté. Na Sapaté tin bibiendanan riba otro ku ta bai tres (3) piso kaba. E reglamentashon den konstrukshon i bibienda ta stipulá kon haltu e bibienda mester ta i kiko ta permití.

Mester tin norma ki sorto di kas ta akseptabel pa hende por biba aden. Mester tin regla i struktura, ya ku si bo laga esaki kompletamente na huisio di kada ken, lo bo haña bo ku hopi konstrukshon ku no ta adekuá pa hende biba aden. Pues pa kasnan di pueblo tambe tin norma. Pues a bai 3 piso kaba na Sapaté. E no a bai 4 piso, pasobra tin kasnan eksistente i ta tene kuenta pa no stroba otronan p.e. di haña bientu òf bista riba nan medioambiente.

Bron: Extra

Lo eliminá inhustisia tambe for di lei di EOP

Minister Suzy Camelia Romer: Lo eliminá inhustisia tambe for di lei di EOP | Extra

WILLEMSTAD.- Tin situashonnan di inhustisia tambe ku tin di eliminá for di EOP. Tur esakinan ta aspektonan ku ta bini dilanti den e evaluashon i adaptashonnan benidero. Durante un enkuentro ku prensa ku el a konvoká ayera tardi, e titular di Tráfiko, Transporte i Planifikashon Urbano, mr. Suzy Camelia-Römer, a splika por ehèmpel ku den EOP tabata duna espasio na esnan ku tin nan plan di desaroyo bieu, miéntras ku esnan ku ideanan nobo mes ta keda ku man mará.

Segun e mandatario, tin aria i terenonan basta grandi ku lo por keda desaroyá. Pero e lei ta bisa ku por ehèmpel, si tin un persona ku tin un tereno tras di kual e por probá di tin un plan di desaroyo promé ku a deklará e tereno komo aria konservá, ta dun’e eksonerashon pa por desaroyá e aria ei. Sinembargo, por tin un otro hende ku tin un tereno pegá kuné ku tambe tin un plan di desaroyo pero di tempu moderno, esaki no ta haña pèrmit pa hasi nada kuné.
Pues e ta kere ku e situashonnan di inhustisia ei mester keda eliminá ya ku nan ta stroba desaroyo di pais.

Segun e minister, e problema di EOP ta ku kasi 60% di terenonan ta kai bou di aria konservá etc., en todo kaso ku no mag di ser desaroyá. Segun Camelia-Römer, si por stipulá normanan di medioambiente ku tin di tene kuenta kuné si ke bai desaroyá un aria, di un manera planifiká lo por duna pèrmit pa sierto desaroyonan. E tambe ta haña ku tin muchu aria di konservashon i parke ku no por desaroyá.

Mas aleu tambe, e kantidat di bibienda ku por traha riba otro i ku un sierto kantidat di lugá di stashoná outo, ta algu ku lo por keda revisá. Pasobra na momentu ku tin pensa pa apliká otro tipo di konsepto unda lo ke bai mas piso, anto lo por buska otro solushon pa e parkermentu. Kisas lo por traha un garashi pa stashoná. Den e mesun rosea den un situashon asina bo ta spar espasio pasobra e garashi lo bini bou di e kompleho di bibienda.

Segun e minister, e ta splika esaki pa motibu ku ta kreando e impreshon ku ta EOP tin ekonomia stanká. Esei no ta kompletamente bèrdat, pasobra si no tin un bon desaroyo di enseñansa i desaroyo sosial, Kòrsou lo no bai dilanti.

Bron: Extra

Uso “Smart” di arianan di biba ta ser apliká kaba na Kòrsou

Minister Suzy Camelia Romer: Uso “Smart” di arianan di biba ta ser apliká kaba na Kòrsou | Extra

WILLEMSTAD.- Manera ta konosí Kòrsou tin un EOP (Eilandelijke Ontwikkelingsplan) ku na su turno ta basá riba un lei di urbanisashon i esaki a keda tradusí den e kartanan ku ta mustra un Kòrsou a base di un desaroyo miksto. Pero defakto por bisa ku nos konosé kaba e uso miksto (Smart).

Tin diferente manera kon pa usa un aria den forma miksto. Asina Minister di Tráfiko, Transporte i Planifikashon Urbano, sra. Suzy Camelia-Römer, a trese dilanti ayera tardi den un splikashon amplio ku el a duna na prensa pa loke ta zonifikashon na Kòrsou. EOP ta duna espasio pa e loke awe ta kalifiká komo “smart”, pues uso di arianan den forma miksto.

Segun e minister, e dokumento aki ta un di esnan di mas mihó ku a yega di traha pa Kòrsou, aunke personalmente e tambe ta di opinion ku tin puntonan ku mester kambia. Den Parlamento tur hende ta di akuerdo ku tin di hasi kambionan den EOP. Pero ora bo ta kambia kos, no por t’asina ku bo ta benta tur kos afó keriendo ku bo ta traha algu nobo nobo. Mester hasi evaluashon promé ku tira afó, i tin kosnan ku no tin mester di tira afó tampoko.

Ora ku lesa e EOP, e ta bisa ku a traha e dokumento aki pa por tin struktura i órden den e desaroyo dje isla. Riba tur sorto di aria ta tene kuenta kuné. E urbanisashon ta algu ku tin di keda konsentrá den sierto arianan. Komo parti di e pakete ta tene kuenta ku medio ambiente i hopi otro aspekto, manera e.o. kloaka, flora, founa i asta presensia di e hende mes, rekreashon i e aspekto komersial.

I segun Camelia-Römer, un di e tareanan prinsipal di su ministerio ta planifikashon di desaroyo dje pais. I bo no por hasié bo so, ya ku diferente ministerio mester ta envolví. E minister a splika tambe kon funshonarionan di su ministerio a bishitá e konferensia di Habitat-III i ku kon lo bai apliká e agènda urbano pa Kòrsou. A yega na un palabrashon riba e puntonan prinsipal pa desaroyo di un pais, pero ku e espasio naturalmente pa tin ahuste, ya ku no ta tur pais ta meskos i tin e mesun struktura i kultura.

E konferensia di Habitat ta un enkuentro ku ta ser organisá kada 20 aña i e ta trata di kondishonnan pa habitatnan unda hende ta biba rònt mundu. E prinsipionan tin di ser tradusí den kada medioambiente di kada pais. Ora ku ekspertonan lokal a regresá Kòrsou, el a duna instrukshon pa analisá henter e Urban Agenda di Habitat-III, i por bisa ku e dokumento aki ta bai hopi mas leu ku solamente urbanisashon. E ta sali for di e aspekto urbano i enfoká riba integrashon sosial i terminashon di pobresa. E mester inkluí oportunidatnan di bienestar pa tur hende.

Bron: Extra

A evaluá EOP 4 biaha, pero polítika no a hasi nada ku nan

Minister Suzy Camelia Romer: A evaluá EOP 4 biaha, pero polítika no a hasi nada ku nan | Extra

WILLEMSTAD.- Den pasado tabatin no ménos ku 4 evaluashon riba EOP, pero pa motibunan polítiko no a hasi nada ku nan. Ora nos ta papia di zonifikashon, defakto e ta nifiká kon henter un grupo di hende tin di biba den un bario.

Pues kon ta planifiká i ordená e bibamentu den bario, si ta permití sierto negoshinan den un bario etc. Pues ta papia di barionan habitabel. Pero den kuadro di esaki tin un kantidat di lei ku mester tene kuenta kuné. Pues na momentu ku ke kambia EOP, no por kere ku a hisa e EOP benta afó i pone un ‘smart code’ na su lugá. Asina Minister di Tráfiko, Transporte i Planifikashon Urbano, mr. Suzy Camelia-Römer, a duna di konosé durante un enkuentro, ku prensa ku el a organisá ayera.

Segun e minister, ta ser bisa ku nada no a ser hasi tur e tempu for di tempu ku EOP a drenta na vigor. Pero e tin di splika ku tabatin no ménos ku 4 evaluashon ku a ser hasi dor di profeshonalnan lokal mes. Segun e mandatario, tabatin un evaluashon na aña 2000, tambe na 2001. Na aña 2000 i despues na 2001 e servisio di DROV e tempu ei a hasi e evaluashon i a entrega e evaluashonnan ei na Bestuurscollege di Teritorio Insular di Kòrsou. Sinembargo, e mundu polítiko no a tuma un desishon al respekto.

E servisionan si a hasi nan evaluashon i splika unda e lei ta muchu pèrtá, unda e ta stroba desaroyo, kua zonanan lo por kambia di destinashon etc.
Mas aleu na aña 2006 i tambe 2007 Bestuurscollege dje tempu ei a enkargá e Sentro pa Investigashon di Statistik di Munisipio Rotterdam pa hasi dos estudio riba EOP. E rapòrtnan di evaluashon aki tambe a keda entrega pa sa kon mester sigui ku e desaroyo dje isla.

Pues tin e kuater evaluashonnan aki ku a ser hasi, pero ku polítika no a tuma desishon riba nan. Tin hende por bin bisa ku tin kosnan ku ta pa promé biaha nan a ser hasi, pero no ta pasobra bo ta un parlamentario ku a haña un kantidat di voto di komunidat, bo tin derechi di bira un diktador i pretendé ku bo sa tur kos mas mihó ku tur hende. Awor ta abo ke disidí kon desaroyo dje isla mester ta. No tin otro forma pa hasi e kambionan, sino ku mester pone tur aktor di interes huntu i wak na ki palabrashon ta yega.

Segun Camelia-Römer, bo no por disidí riba bo so kon a bai desaroyá un isla. Tin di tene kuenta ku aspektonan sosial, ekonómiko, medioambiental, enseñansa etc. Kon ku bo hasié, bo tin di tene kuenta ku tur e aspektonan ei.

Bron: Extra

Naschrift KKC
Smart zoning is – net als Smart Nation– een van de commerciële “smart” platformen van KPMG/BearingPoint. Deze worden o.a. gepromoot door VVRP Minister Suzy Camelia Romer en Bureau Post en Telecom Directeur Franklin Sluis. Over de aanstelling door Camelia-Romer van Grupo Sopi’s KPMG lobbynetwerklid Chebo Sluis in de vertrouwensfunctie als BTP directeur is al eerder veel te doen geweest. Om die geruchten te doven deed ex-KPMG-er Camelia-Romer voorkomen alsof Sluis’ aanstelling door de Algemene Rekenkamer werd onderzocht, terwijl de Rekenkamer geen verzoeken van de minister in behandeling neemt. Ook waren er vraagtekens rond de uitbesteding van de positieve VDC-screening van de veroordeelde autozwendelaar aan een particulier onderzoeksbureau en hun beide nauwe betrokkenheid Cpost community boxes schandaal.

Smart Zoning Auba | Illustratie KPMG/BearingPoint | Foto www.smartgoverments.net

Ook voor Sint Maarten en Aruba heeft KPMG/BearingPoint Smart Zoning platformen gemaakt:

Smart Zoning Sint Maarten | Illustratie KPMG/BearingPoint

Smart Zoning Auba | Illustratie KPMG/BearingPoint

De eerder voor fraude veroordeelde directeur Franklin Sluis (BP&T) werd positief gescreend door Forensic Services Caribbean onder verantwoordelijkheid van Veiligheidsdienst VDC en VVRP Minister Suzy Romer | Antilliaans Dagblad

Zie ook: www.smartgovernments.net

Een Reactie op “Extra | A usa ‘Smart Zoning’ komo palu pa dal kacho

  1. Dreifi sin heful

    Zet de RST op!

Geef een reactie

Het e-mailadres wordt niet gepubliceerd. Vereiste velden zijn gemarkeerd met *