WILLEMSTAD,- Partidonan MAN, PAR, PNP i Pueblo Soberano ayera a yega na un akuerdo pa un gobièrnu nobo. For di 10 di òktober partidonan a deliberá pa un gobièrnu nobo, pero te ayera no a yega un akuerdo tokante repartishon di karteranan.
Ayera a repartí e karteranan na e siguiente manera:
Partido MAN lo haña posishon di ministerpresidente (ku ta Minister di Asuntunan General), tambe partido MAN lo haña Minister di Enseñansa, Deporte i Kultura i Minister di Finansa. Tambe MAN lo haña posishon di Minister- Plenipotensiario di Kòrsou na Ulanda i e posishon di presidente di Parlamento.
Partido PAR lo haña minister di Desaroyo Ekonómiko i minister di Salubridat, Medio Ambiente i Naturalesa. I tambe PAR lo haña posishon di Minister Plenipotensiario di Kòrsou na Ulanda interino i posishon di visepresidente di Parlamento.
Partido PNP lo haña minister di Tráfiko, Transporte i Planifikashon Urbano i tambe minister di Hustisia.
Partido Pueblo Soberano lo haña minister di Desaroyo Sosial, Labor i Bienestar i tambe minister di Gobernashon, Planifikashon i Servisio Públiko.
Ku esaki partidonan a yega na un akuerdo tokante e karteranan via un sistema di 3 minister pa MAN, 2 pa PAR,2paPNPi2paPueblo Soberano. Pòst di Minister Plenipotensiario di Kòrsou na Ulanda no ta kai bou di e 9 posishon di ministernan ku tin nan mes ministerio.
Bron: Extra