Extra | Abogado Bertie Braam ta pidi aselerá e investigashon di echonan

 Ordemaatregel tegen VDC-hoofd blijft lopende het feitenonderzoek van kracht

Ordemaatregelen tegen VDC-hoofd blijven lopende het feitenonderzoek van kracht

WILLEMSTAD.- Abogado Bertie Braam den un karta ku a bai e siman aki pa prokurador general Guus Schram pa aselerá e investigashon di echonan ku a kuminsá kontra su kliente mr. Michael Römer, hefe di Servisio di Inteligensia di Kòrsou.

Su kliente segun e abogado ta na kas fo’i prinsipio di òktober pa un kaso ku ta basá puramente riba redashi i mas redashi. Prokurador general a ordená un investigashon di echonan i a enkargá Landsrecherche ku e investigashon. Landsrecherche a skucha yen hende pero remarkablemente no a papia ku su kliente ainda mr. Bertie Braam, loke ta duna un buèlta straño na e investigashon di echonan pió ainda kaminda ta puntra testigunan kos ku no tin relevansia ku e kaso.

Ta dependé dje kontesta ku e haña pa determiná e próksimo pasonan ku mester tuma, semper den konsulta ku su kliente. E abogado a reiterá ku den e kaso aki no tin sospechoso, no ta sospechá su kliente di nada i únikamente ta kompilando echonan rondó dje supuesto akto di menasa ku tabatin, algu ku tantu e supuesto víktima komo su kliente ta nenga redondamente.

Bertie Braam a ripití deklarashonnan previamente hasí ku na nòmber di su kliente ta bai persiguí esun òf esnan tras dje notisia fabriká aki. Si ta nesesario lo persiguí e supuesto koresponsal te na Ulanda el a bisa refiriendo na e persona ku a bin ku e asina yama ‘breaking story’ ku a resultá di no ta kuadra ètòl ku bèrdat i verasidat.

Bron: Extra

Geef een reactie

Het e-mailadres wordt niet gepubliceerd. Vereiste velden zijn gemarkeerd met *