Extra | Abogadonan Sulvaran i Peterson: KEHO PENAL ENTREGA KONTRA TRES FIGURA ULANDES EUROPEO KOBARDE

2014 02 04 - Eldon Peppie Sulvaran en Chester Peterson-5

Abogadonan Sulvaran i Peterson: KEHO PENAL ENTREGA KONTRA TRES FIGURA ULANDES EUROPEO KOBARDE

WILLEMSTAD. – Dia 4 di novèmber 2014 abogadonan Sulvaran i Peterson a entregá un keho penal kontra e kobardenan aki indikando tres figura Ulandes Europeo. E hendenan aki sa mas ku kualke hende ta ken ta tras di e artíkulonan aki.

Abogadonan Eldon “Peppie” Sulvaran i Chester Peterson ta kere ku a bira tempu pa atendé ku kobardenan, ku ta ataká nan sin niun klase di hustifikashon i ta atakanan den un forma baho i kobarde bou di anonimidat.

Ta mas ku kla ku e kobardenan anónimo aki ta ripití nan ofensanan den un intento kla pa daña reputashon di abogadonan Sulvaran i Peterson ya mas ku 25 aña, pa asina purba hasi imposibel ku nan por ehersé nan labor ku outoridat.

E intenshon di e kobardenan aki ta bon kla, esei ta pa desakreditá nan públikamente pa sirbi interesnan ku no ta masha kla. Tur kobarde ta tira pieda skonde man. Esakinan no ta diferente.

Sulvaran i Peterson a disidí ku awor ta basta i ta tempu pa desenmaskará tur e kobardenan aki. Nan a kompilá sufisiente prueba pa atendé ku nan tantu riba tereno sivil komo penal.

Pasobra ku e abogadonan Sulvaran i Peterson a komprondé ku tin abogado ku ta kana hunga hende drechi tambe ligá ku e korant aki, na su debido tempu lo sòru pa e subi e kaminda disiplinario.

P’esei dia 4 di novèmber 2014 abogadonan Sulvaran i Peterson a entregá un keho penal kontra loke nan a kalifiká komo e kobardenan.

Sulvaran i Peterson a duna ministerio públiko no mas ku tres luna pa investigá, persiguí i dagfar e sospechosonan.

Den kaso ku esei no sosodé e abogadonan lo aserká Korte Superior, pa obligá OM pa investigá i pèrsigui e kobardenan aki. Aparte di esaki simultáneamente nos lo entamá prosesonan sivil tambe kontra e kulpabelnan.

 

Bron: Extra
Dossier: Fundashon Kòrsou Fuerte i Outónomo (KFO/FKO)

Geef een reactie

Het e-mailadres wordt niet gepubliceerd. Vereiste velden zijn gemarkeerd met *