Extra | Abogadonan Sulvaran i Peterson ta di opinion: Libertat di exspreshon no mester keda stroba

Abogadonan Sulvaran i Peterson ta di opinion:
LIBERTAT DI EKSPRESHON NO MESTER KEDA STROBA

Abogadonan Sulvaran i Peterson ta di opinion: LIBERTAT DI EKSPRESHON NO MESTER KEDA STROBA | Foto's Extra

Abogadonan Sulvaran i Peterson ta di opinion: LIBERTAT DI EKSPRESHON NO MESTER KEDA STROBA | Foto’s Extra

WILLEMSTAD – Abogadonan Eldon Sulvaran i Chester Peterson a trese dilanti ku nan ke pone bon kla dilanti ku libertat di ekspreshon no mester keda strobá pa kosnan bagatèl. Sulvaran i Peterson ku ta abogadonan ku tin nan bufete ku ta karga nan nòmber, a elaborá riba un aspekto ku na nan opinion ta fuera di tur proporshon.

E abogadonan a duna di konosé ku ta un ofisina di abogado renombrá ku ta karga nan nòmber. Nan reputashon ta parti di nan identidat. Esaki ta di importansha pa e bufete Sulvaran & Peterson i nan trahadónan.

For di dia ku nan komo abogado a denunsiá públikamente e hues ku a traha desishon falsu, e direktor korupto di Banko Sentral i e dekano ku a trata di ekskluí nan for di votashon, tin un grupo di Ulandes Europeo ku hasiendo uso di un medio riba Internet ku yama “Knipselkrant” ya pa kasi un aña kaba sistemátikamente, insistentemente i konsientemente ta difamá nan komo persona i nan bufete i trahadónan, den un intento pa kaba ku nan reputashon.

Sin niun klase di hustifikashon i sin ku tin un konflikto entre di nan komo abogado i esnan ku ta difamá nan, e grupo ya menshoná den un forma konsiente ta hasi daño na nan bufete i nan personal.

Sulvaran i Peterson komo abogadonan yu di e tera, ta orguyoso di ken nan ta i kiko nan a logra. P’esei nan no ta akseptá ku poko kobarde bou di anonimidat ta ataká nan sin niun base di un forma baho.

Si otro yu’i Kòrsou ku tambe e korant aki ta ataka sistemátikamente di un forma baho, ke aksept’é, esei ta nan asuntu. Ta personanan ku agènda skondí òf mandá pa krea un reputashon negativo rondó di nan i nan ofisina, aparentemente den un intento pa kastigá nan ku a papia bèrdat.

Esaki ta krea e impreshon ku e denominashon nan ofensivo i difamatorio ku nan ta apliká riba e abogadonan ta karakterístiko di nan ofisina di abogado.

Sulvaran i Peterson ta di opinion ku ta totalmente inakseptabel ku pa simplemente, hasiendo nan trabou, den un forma inhustamente nan ta keda denominá komo miembronan di organisashon kriminal, labadónan di plaka, kompinchinan di mafia i figuranan dudoso etcetera.

Pa loke ta trata e último aki, Sulvaran i Peterson a duna di konosé ku nan no ta akseptá esaki na man di niun hende.

Bron: Extra
Dossier: Fundashon Kòrsou Fuerte i Outónomo (KFO/FKO)

Geef een reactie

Het e-mailadres wordt niet gepubliceerd. Vereiste velden zijn gemarkeerd met *