WILLEMSTAD.- Despues ku minister Presidente a firma un Heads of Agreement ku e kompania GZE, Parlamento di Kòrsou ainda no por a haña e dokumento firmá. Parlamentario Omayra Leeflang ta bisa ku parlamento di Kòrsou ta e órgano di mas haltu ku tin e outoridat pa kontrolá Gobièrnu di Kòrsou. E trabou di kontròl no ta posibel sin e dokumentonan nesesario.
Tin diferente konsepto di e HoA den sirkulashon: e konsepto di 7 di novèmber 2016 e konsepto di 10 novèmber 2016
Tin diferente deklarashon riba e HoA den prensa. Pero di un òf otro motibu e dokumento firmá no ta den man di Parlamento. E pregunta ta kiko tin di skonde? Kiko Parlamento no tin mag di sa?
Bron: Extra