Extra | “Apòstel” Lando tabata usa mesun “modus operandi”

WILLEMSTAD.- E akusashonnan ku korte a haña probá kontra di e hòmber apòstel Orlando “Lando” Balentina ta den e periodo di 17 mei 2006 te ku 16 mei 2009 a abusá di un mucha di 12 aña; periodo di 17 aprel 2012 te ku ougùstùs 2012 el a mishi ku un mucha menor di edat ku tabata bou di su kuido; probá ku den periodo di 1 òktober 2013 te ku 31 òktober 2013 el a obligá e damita p’e abusá di dje banda di playa na Boca Sami; probá ta akusashon den periodo di 6 mart 2012 te ku 5 mart 2013 el a kometé akto inmoral ku e damita; probá den periodo di 9 yanüari 2009 te ku 31 desèmber 2013 el a abusá di un mucha.

E abuso aki a tuma lugá na Jan Sofat; probá ku den periodo di 1 mei 2015 te ku 28 febrüari 2016 a abusá di otro tiner. Tambe korte a haña probá e kaso na Ulanda ku a sosodé dia 3 febrüari 2013 na Rotterdam.

Wes a splika tambe ku den tipo di kasonan asin’aki di violashon ta dos hende so ta presente pa loke ta trata material di prueba, spesialmente ora e akusado ta nenga òf ta hasi uso di su derecho di keda ketu manera Lando. Pero wes ta tene su mes na deklarashon di e diferente víktimanan.

…abogadonan di Lando, respektivamente mr. Alicia Blonk i Harlequin tin di studia kaso pa sa si ta apelá…

Mas aleu e abogadonan a bisa ku Lando mester keda apsolvé di algun akusashon, pasombra e echo di a kometé akto di inmoral òf abusu ku e muchanan aki no por keda probá. Pasombra ta trata di muchanan ku ya ta riba 16 aña, i ta kuestion ku nan mes a aprobá. No tin kuestion ku el a obligá nan.

Wes a bisa ku e víktimanan riba 16 aña ku abogadonan ta papia di nan ta damitanan hóben di 19 pa 23 aña ku durante e echo a sosodé tabata un tiki mas yòn. Nan tur tres a deklará ku e tempu ei nan a oponé tantu verbalmente komo físikamente kontra di Balentina su kontaktonan seksual.

Un di e muchanan a bisa ku ora e akusado ta den su serkania, e ta sinti hopi kos pa Lando i tambe ku e tabata enamorá di Lando. Lando no a usa violensia kontra di e muchanan aki. Pero si korte ta di opinion ku den tur tres kaso tin kuestion di un forma di obligá e muchanan aki.

Pasombra e akusado a hinka e muchanan aki den un situashon dependiente ku nan no por a oponé kontra di e abusu di Lando. Tur tres muchanan tabata miembro di e iglesia ku Lando ta dirigí. For di dokumentashon ta sali na kla ku ta trata di un iglesia bon organisá den un komunidat spiritual ku tin un intensidat di kere den e iglesia i ku na kabes e akusado komo un lider karisma.

Esaki ta trese kuné ku a akusado tabata esun di konfiansa di e miembronan dje iglesia. Tur e tres víktimanan menshoná aki tabatin 26 aña mas yòn ku Lando. Lando tabata yena e figura di tata di e muchanan aki. Nan no tabatin tata i Lando a bisa nan ku e lo ta nan tata, i hasta a bisa un dje muchanan ku e lo sòru p’e.

…abogadonan di Lando, respektivamente mr. Alicia Blonk i Harlequin tin di studia kaso pa sa si ta apelá…

Ora el a disidí di bai tene relashon ku e muchanan el a pasa e límite di echo penal. Dor di loke a keda trese dilanti wes ta haña ku el a obligá e muchanan pa tuma su abusu seksual. Tambe wes a bisa ku ora mira tur e kasonan ta mesun modus operandi e akusado tabata usa ku su víktimanan. Pues serka tur e tabata aktua meskos.

Bron: Extra

Geef een reactie

Het e-mailadres wordt niet gepubliceerd. Vereiste velden zijn gemarkeerd met *