WILLEMSTAD.- Awe pa mitar di 10 di mainta Ministerio Públiko (OM) di Kòrsou, lo enfrentá direktor di Banko Sentral Emsley Tromp relashoná ku froude di belasting.
Esaki despues ku Tromp i su defensa a bai Hof siman pasa pa hasi un apelashon pa deklará su dagfar nulo.
E tribunal di Hof den nan veredikto no a bai di akuerdo ku e ponensia aki.
E promé kaso kontra Tromp lo ta awe 25 di yüli.
Esaki lo keda presentá den un regiezitting.
Den e tratamentu aki e defensa por ekspresá nan deseo pa mas investigashon.
Hues seguidamente ta tuma un desishon riba esaki.
E fecha di tratamentu ku kontenido ta bai dependé si tin mas deseo pa mas investigashon.
E investigashon Saffier a inisiá na 2016 serka e Team Anti-korpushon (TBO, komo parti di RST) relashoná ku publikashonnan den prensa tokante posibel malversashon finansiero kometé dor di e sospechoso.
Den kuadro di e investigashon a tene algun entrada hudisial, entre otro na Banko Sentral i na kas di e sospechoso.
A skucha testigu i a risibí dokumentashon for di eksterior.
E investigashon a kondusí entre otro na e sospecho ku sr. Tromp deliberadamente no a hasi menshon na Servisio di belasting di entradanan di su ‘pensioenopbouw’ ku el a risibí durante e periodo di 2006 te ku 2014.
Dor di esaki pais Kòrsou lo a pèrdè di gana alrededor di 5.5 mion florin.
E parti aki di e investigashon a terminá i a kondusí na e dagfar pa awe 25 di yüli.
E investigashon penal na e sobrá echonan ta kontinuá, mas despues ta tuma un desishon pa persiguishon penal.
Bron: Extra