Extra | Awe ke pa Staten tapa e fayonan kometé den taksashon benta Kas di Kòrsou

Awe ke pa Staten tapa e fayonan kometé den taksashon benta Kas di Kòrsou

WILLEMSTAD.- Awor ta konosí pa frakshon di MFK pakiko gabinete Asjes, Whiteman I i Whiteman II a skonde i komprometé benta di eks Kas di Antia/Kòrsou pa Staten di Kòrsou.

Rapòrt di taksashonnan ku deliberadamente a wòrdu skondé pa Parlamento parsialmente a wòrdu poné na disposishon di parlamento siman pasá ta revelá e “sjoemel” ku sifranan den e diferente rapòrtnan di taksashon i ku a usa esakinan pa firma un akuerdo di benta dia 28 di sèptèmber 2015, segun lider di MFK parlamentario Gerrit Schotte.

Gabinete Whiteman II, kaminda partido PAR tabata forma parti di dje a opta pa no manda e akuerdo di benta parlamento pa aprobashon i konsekuentemente tene e rapòrt di taksashon di e edifisionan skondí pa parlamento. E gobièrnu aktual su minister di VVRP ku ta di partido PAR bou di kual e responsabilidat ta kai pa a presentá e benta aki na Staten pa aprobashon, tambe a trata na tene e rapòrtnan di taksashon di 2017 skondí pa parlamento. Debí ku e rapòrt di taksashon di 2017 ta mustra ku tin un diskrepansia ku e sifra ku ta aparesé den e akuerdo di benta di sèptèmber 2015.

Schotte a bisa ku na 2007 a balorá edifisionan na Den Haag ku tabata forma parti di “Antillenhuis” ku tabata propiedat di Antia Ulandes na un balor di 6.4 mion Euro, pero na momento di firma e akuerdo di benta na sèptèmber 2015, komo propiedat di gobièrnu di Kòrsou a usa un rapòrt di balor di 2.7 mion euro pa sera e akuerdo. A firma un akuerdo di benta pa e 3 edifisionan pa 3.7 mion euro ménos.

Manera ya menshoná awe na 2017 e gobièrnu aktual Gabinete Rhuggenaath na lugá di goberná di un forma transparente, a purba siman pasa di skonde e rapòrtnan pa parlamento kaminda e balor di e propiedatnan na 2017 ta aparesé. E dokumentonan di 2017 ta indiká ku e balor kompará ku e rapòrt e di 2015, tin un diskrepansia di miónes di euro kompará ku e suma di benta di sèptèmber 2015.

Mal gobernashon, esaki ta trese kuné awor ku 21 luna despues ke obligá Staten di atendé ku un dil ku a bai robes riba tur “front” i awor ku tin but i beslag riba Gobièrnu di Kòrsou ta manda mitar informashon pa Staten trat’é den reunion públiko.

Bron; Extra

Geef een reactie

Het e-mailadres wordt niet gepubliceerd. Vereiste velden zijn gemarkeerd met *