WILLEMSTAD.- 2 di yüli ta dia di bandera. E fecha ofisial kaminda pueblo di Kòrsou ta bini huntu riba Plasa Brion for di den oranan di mainta, pa asina hisa i duna realse na nos Bandera.
Bandera di un Pais ta e símbolo ku ta uni un Pueblo. Un pueblo uni ta garantia pa un bon formashon patriótiko. Patriotismo ku poko poko nos mester ban oumentá, pa motibu ku e ta base di éksito pa adelanto di un Pais.
Komo Minister di Desaroyo Ekonómiko sigur mi kier enfatisá hopi riba patriotismo, pasó ta ku e amor i union pa nos pais nos por logra kosnan grandi pa Kòrsou.
Resientemente nos ekipo di futbòl a logra Copa di Caribe. Tabata un dia grandi pa Kòrsou. Un dia ku a yena nos tur ku alegria i satisfakshon. Ban sigui ku e mesun positivismo. Ban uni, ban traha huntu, laga patriotismo brota i Kòrsou lo triunfá.
Djadumingu awor 2 yüli, hisa bo bandera i sali broma kuné! Di mi parti, Minister di Desaroyo Ekonómiko, Steven Martina. E ta deseá henter pueblo di Kòrsou un felis dia di bandera!
Bron: Extra
Programa Selebrashon Dia Di Bandera 2017
WILLEMSTAD.- Selebrashon di dia di Bandera ta kuminsá for di awe djasabra ku bahamentu di bandera na Plasa Brion. Nos lo trese aki e programa di awe djasabra i mañan djadumingu.
Awe 1 di yüli; Entrada di gruponan uniformá i Peloton di Bandera riba Plasa Brion Himno di Kòrsou interpretá pa: Thallysa Jano/Gina Duthatan/Sukaila Gomes/Dilan Zamorano Seremonia Baha Bandera Seremonia di dobla e Bandera
Marcha pa bai Fort Amsterdam pa warda e Bandera (ta krusa brùg Emma) Seremonia di warda Bandera den Vitrina na Fort Amsterdam
Lokalidat : Plasa Brion 18:30 – 20:15
Apertura konmemorashon Dia di Abolishon di Sklabitut/Selebrashon Dia di Emansipashon (Moderadó sr. Max Elstak)
Palabra di drs. Frank Quiringdongo (Presidente di Plataforma Sklabitut Herensia di Sklabitut)
Palabra di sra. Marilyn Alcalá-Wallé (Minister di Enseñansa, Siensia, Kultura i Deporte) Deklamashon: Anakuumba Video: Kiko ta rasismo?
Diskushon interaktivo ku 6 hóben Video: Kiko ta rasismo i kon pa por traha pa logra mas emansipashon? Kontinuashon diskushon interaktivo Reflekshon di 2 adulto Palabra di konklushon di drs. Frank Quiringdongo
Kanto di Aemy (Niafeliz) Programa Selebrashon Dia Di Bandera 2017 Fecha: 2 di yüli 2017 Lokalidat: Plasa Brion 07.00 – 10.30 Yegada di invitadonan Yegada di miembronan di Parlamento Yegada di miembronan di Gabinete Rhuggenaath
Yegada di Minister Presidènt sr. Eugene Rhuggenaath Yegada di su ekselensia Gobernadó di Kòrsou sra. Lucille George-Wout i esposo.
Atleta di aña sr. Jordano Hugo ta duna inisio na seremonia ofishal Entrada di Peloton di Bandera Entrada di muchanan inspirando pas Mensahe di lider spiritual Reverendo sra. A. Jozef
Last Post
Seremonia di pidi pèrmit pa subi e Bandera Akto Solèm di Hisa Bandera di Kòrsou Deklarashon di Pas
Himno di Kòrsou kanta pa Diveana Lopez/Rachid Felida/Deborah Gomez Diskurso di Minister di Siensia, Enseñansa, Kultura i Deporte, sra. Marilyn Alcalá-Wallé
Diskurso di Promé Minister, sr. Eugenne Rhuggenaath Potporri di kantikanan di Kòrsou interpretá pa: Thallysa Jano/ Gina Duthatan / Sukaila Gomes / Dilan Zamorano / Maylize Stuwart / Tiara Capriles & Ryan Zamarona
Entrada di atletanan
Entrada di Baluartenan di Bario
Seremonia di Krus di Mérito
Presentashon di SKOBA
Presentashon Ganadó ‘Un kanto pa Kòrsou, Ebony Albertus
Presentashon Kantadó Mayó, Rachid Felida
Presentashon Rei di Tumba, Amos Balentien
Desfile di gruponan uniformá & Desfile di gruponan hudisial
Klousura
Lokalidat: Plasa Brion 19.30 – 22.00
Presentashon di 4 finalista Un Kanto pa Kòrsou, Gerald Torregrosa
Presentashon di 3 finalista Un Kanto pa Kòrsou, Lisella Thomas
Presentashon di 2 finalista Un Kanto Pa Kòrsou, Veanira/ Eldrison/ Harlienne
Presentashon di promé finalista Un Kanto pa Kòrsou, Jennifer Virginia
Presentashon na enkargo di Roy Colastica
Presentashon di grupo Rítmiko Hóben na Timon
Presentashon di grupo Hype
Aktividat den Bario:
11.00 – 22.00 Barber (Parke Himno i Bandera)
12.00 – 20.00 Lagun (Playa Lagun)
12.00 – 19.00 Zuid Zapateer (Eigen Woningplan)
12.00 – 19.00 Marie Pampun (Playa Marie Pampun)
12.00 – 19.00 Muizenberg (Plenchi Palu di Mango den Sportlaan)
12.00 – 23.00 Bònt (P.L. Jansenstraat)
Bron: Extra
Selebrashon Dia di Bandera na Marie Pampun i den Bònt
WILLEMSTAD.- Fundashon Desaroyo Marie Pampun I Bisindario huntu ku Fundashon Bisiñanan Kontentu di den Bònt ta invitá barionan di Marie Pampun, Bònt, Orangestraat i pueblo di Kòrsou en general pa bin selebrá dia di bandera den e dos barionan.
E aña aki e dos organisashonnan ta traha huntu pa trese un bon ambiente den e barionan. Na Marie Pampun a selebrashon ta tuma lugá kant’é awa riba e pida ku a keda drecha últimamente. Pa fasilitá e bishitantenan lo tin un bus ta kore entre Marie Pampun i Bònt kada mei ora.
Durante di dia lo tin músika di Kaha di Orgel. Dj, Foyan Boys di Boneiru, Grupo The Vocals, Grandinan di Marie Pampun, Wega di Domino, bendementu di kuminda i ta sera e atardi Grupo Kòmpèr di Marie Pampun.
Fundashon Desaroyo Marie Pampun I Bisindario huntu ku Fundashon Bisiñanan Kontentu di den Bònt ta spera tur hende for 12’or di te den ora nan di anochi.
Bron: Extra
Tur kos ta kla pa djadumingu awor den Muizenberg
WILLEMSTAD.- Bario di Muizenberg ta kla ku tur preparashon pa e gran selebrashon di bandera di Kòrsou 2017. E enfoke di e selebrashon den Muizenberg ta bai ta e union entre tur e nashonnan ku a biba i ta biba den e bario di Muizenberg. Pa e dia aki e programa lo start for di 10’or di mainta i lo konsistí di entre otro:
– Eksposishon di bandera di e nashonalidatnan ku a biba i ta biba den Muizenberg
-Eksposishon di historia di refineria SHELL
-Rekorido den ‘trolley train’ di Atlantis Adventures na e sitionan históriko di bario di Muizenberg/Suffisant
-12’or simultaniamente ku Brionplein, kanto di himno di Kòrsou i hisamentu di bandera di
Kòrsou
-Rekonosementu na baluartenan ‘Bon yu di Kòrsou’ di Muizenberg kual nan ta: Sr. Wim van
Lamoen, sr. Isberto ‘Chevere Betico’ Bernabela, sr. Frank La Cruz, sra. Vilma Marchena i sra. Alexandrina ‘Dina’ Oleana-De Palm
-Torneo di dómino
-Presentashon di grupo di bailenan: SKOBA; Baliña (Portugues); i Chines
-Presentashon musikal di dj Chamo; GRIK; Grupo Sablika; Grupo Kompèr i algun presentashon mas.
Lo bai tin stènt di benta di tur sorto di produkto i servisio. Tambe lo tin stèntnan di bon kuminda.
Un bar bon surtí lo no falta. Lo bai ta un ambiente di union entre nashonnan i famia. Tur hende por bin ku nan stul libremente i buska un lugá bou di e palunan grandi ku tin den bario di Muizenberg.
Pa yega bario di Muizenberg ta fásil; mester drenta na Rio Frio i sigui stret bin pariba. Pa parker por hasi uso di lugá si parker for di Curaçao Aluminium Product na Sportlaan, SATEX, Bo Frei Agencies, Samira Matrassenfabriek i tambe banda di tur e kasnan rònt den e bario di Muizenberg. E selebrashon lo konsentrá mei mei di e bario.
Un gradisimentu ta bai na tur tur persona i instansia ku a yuda pa bario di Muizenberg por a hasi e selebrashon aki posibel.
Muizenberg ta invitá hinter pueblo di Kòrsou pa bin eksperensiá pa promé biaha un ambiente realmente di un bario.
Bron: Extra