WILLEMSTAD – Aktualmente tin e situashon na e playa di Caracasbaai ku vários di e buinan ku tei pa protehá e landadónan pa un motibu of otro a los bai i pega riba kosta mas pabou.

Manera ta konosí e pone e buinan komo protekshon pa e landadónan ya asina e seadoonan i boto nan ta keda na un distansia i no ta yega serka di e playa i pone bida den hende na peliger.

Awor e buinan a drif bai pega riba kosta pabou. Esnan ku tin kustumber di hasi uso di e playa aki ta hasi un yamada na e instansia konserní pa pone e buinan bek mas pronto ku ta posibel. EXTRA ta spera ku por pone atenshon riba e situashon aki.

Bron: Extra