WILLEMSTAD.- Partido PAS i su lider polítiko Charles Cooper a konta ku gran sosten di su siguidónan ayera mainta, prinsipalmente na momentu ku sr. Cooper a akudí pa depositá su voto.

Den su promé reakshon sr. Cooper a bisa ku nan ta bai pa un viktoria total, ku poder di Dios. Segun Cooper, ta Ser Supremo tabata den kontrol i e ta respetá esei.

No mester lubidá ku den e situashon ku komunidat a bin ta biba i ta bibando ketu bai, tur hende ke tin pas den nan hogar.

Pa loke ta e kantidat di voto, sr. Cooper a splika ku e lo ta kontentu ku e loke nan haña, i dado kaso esei keda tradusí den asiento e lo a dispuesto pa traha ku tur partido, e tin di respetá pueblo. Si pueblo a dun’e e kantidat ei e tin di respetá pueblo. Ta nos tur ta yu di Kòrsou i nos mester traha huntu.

Tin hopi hende ta hibando un bida di miseria den e pais aki. Tin hopi hende ta lanta mainta sin sa unda nan a kue. Pero e kos ei tin di kaba, i ku Charles Cooper den un gobernashon lo restablesé pas riba e lugá aki.

Bron: Extra