WILLEMSTAD.- Despues ku for di ántayera mainta trempan e boto “History II” registrá bou di e number NC 1291 a sali Boneiru direkshon pa Kòrsou, a sali e informashon ku e boto aki no a yega su destinashon i ku lo mester tin 5 hende hòmber abordo ku lo mester a pèrdè.
A kuminsá ku un búskeda intenso i anochi a sera sin e resultado deseá. Ayera for di den oranan trempan di mainta a sigui ku e búskeda.
Ku yudansa di e boto “Dick Braakman di CITRO a lokalisá e boto banda di 8’or di ayera mainta. Mesora a tou e boto huntu ku e tripulantenan i a bai ku esaki na Caracasbaai kaminda el a mara banda di 12’or di ayera mainta.
Segun informashon ku EXTRA ta dispone di dje, e tripulashon lo mester a enkontrá nan mes ku problema ku motor di e boto. Pues awor e tripulashon ta sano i salvo bek na kas.
Bron: Extra