Extra | Danki Dios OM tin e anti-virus kontra aktonan politiko maligno

Davelaar: Danki Dios OM tin e anti-virus kontra aktonan politiko maligno

Davelaar: Danki Dios OM tin e anti-virus kontra aktonan politiko maligno

WILLEMSTAD.- A keda proba un biaha mas ku e sistema demokratiko den nos pais ta funshona. Danki Dios ku e pueblo aki a ser salbá, i danki Dios ku tin un Ministerio Publiko ku tin e anti-virus kontra aktonan maligno.

Asina sr, Humphrey Davelaar a duna komo su prome reakshon na EXTRA despues ku OM a duna di konose publikamente ku no tin motibu pa kuminsa ku un investigshon penal kontra dje. Esaki tabata un petishon ku e grupo di 9 den Parlamento a hasi resientemente.

Segun Davelaar, el a hasi su trabou di akuerdo ku su konsenshi, pues e tabata sa ku nada lo no a bini for di e denunsia ei. Te na ora si pa un of otro motibu kier a sigui ku investigashon mes, ya e tabata kla pa entrega un keho pa denunsia falsu.
Pero Dios un biaha mas a kuida i salba e pueblo aki kontra di maldat, pasobra tur hende sa ku e intenshonnan ku tabatin tas di e grupo di 9 aki tabata maldat, anto maldat grandi, situashonnan anti-demokratiko ku tabata mas grandi ku e reunion mes.

Maldat pasobra nan tin set pa poder, i e intenshon tabata pa stroba e 7 miembro pa remplasa esnan ku demokrátikamente ser eligí pa drenta Staten. Pero a keda demostrá ku nos sistema demokrátiko ta funshoná. Hendenan ku mente maligno no a haña manera pa manipulá un órgano manera OM. Esei ta hopi importante, no tin buraku pa nan manipulá manera nan a bin ta hasi i intimidá tur órgano demokrátiko. A ser demostrá ku OM tin e anti-virus kontra e aktonan maligno ei, kontra obranan satániko ku ta bai hopi leu. Un tempu tabata ser kuestioná si obranan satániko via dje sistema di Illuminati lo ta funshoná aki òf no. Pero den práktika nan ta apliká e prinsipionan di Illuminati aki na Kòrsou tambe.

Pero segun Davelaar, e ta hopi kontentu pa e pueblo aki, aunke e ta kere ku esaki mester ta un lès pa pueblo aki pa no balotá prinsipionan di demokrasia i òrdu den pais. Pero esaki ta algu ku mester benta tras di lomba i ban traha huntu ku e gobièrnu nobo pa hasi loke e pueblo ta spera. P’e e kapítulo ta será, pero e lo keda si komo un eksperensia den historia polítiko di Kòrsou. E ta demostrá ku mester vigilá pa e tipo di práktikanan aki.

Bron: Extra

Geef een reactie

Het e-mailadres wordt niet gepubliceerd. Vereiste velden zijn gemarkeerd met *