Extra | Davelaar ke mas informashon tokante permitnan

...’pa hotèlnan i kasinonan’....  | Foto Extra

Papagayo Beach Resort i Diamond Beach Casino.| Foto Extra

WILLEMSTAD,- Parlamentario Humphrey Davelaar djaluna 24 di òktober a manda un karta na minister di Finansa José Jardim. Den e karta Davelaar ta pidi minister ‘tur dokumentashon ku ta konserní e pèrmitnan otorgá na Papagayo Beach Resort i tambe e pèrmitnan pa operá Diamond Beach Casino.

Den su karta Davelaar ta menshoná ku su karta di 24 di òktober ta un kontinuashon di un karta ku el a manda Jardim dia 11 di òktober ku e tópiko ‘Petishon pa algun dokumentu’. Davelaar ta informá Jardim ku basá di su promé karta el a ‘haña algun reakshon riba e karta aki di parti di pueblo’.

Basá riba e informashon adishonal ku Davelaar a haña e ke amplia e preguntanan ku informashon tokante Diamond Beach Resort Casino. E parlamentario di PNP ta pidi indulgensia di Jardim pa haña e informashon ‘mas pronto posibel pa asina trese klaridat i transparensia den e totalidat’.

Bron: Extra

Geef een reactie

Het e-mailadres wordt niet gepubliceerd. Vereiste velden zijn gemarkeerd met *