30 C
Willemstad
• donderdag 28 maart 2024

Extra | Journaal 26 maart 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Monday, March 25, 2024

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...

Extra | Journaal 25 maart 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Friday, March 22, 2024

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...

Extra | Journaal 22 maart 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Thursday, March 21, 2024

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...
- Advertisement -spot_img

Extra | Despues ku Grupo 12 a vota kontra fiansa 33 mion den parlamento

HomeMediaExtra | Despues ku Grupo 12 a vota kontra fiansa 33 mion...
Ku dokumentu den man ainda Amparo dos Santos no ta komprondé kiko e tin | Extra

WILLEMSTAD. – Ta un kos insolito kon netamente e grupo ku a vota kontra pa yuda InselAir, awe ta profilá manera ta nan lo ta e salbashon pa e tahadónan di InselAir.

Sr. Kenneth Gijsbertha di Partido MAN, ayera durante un rueda di prensa a duna di konosé ku ta inkreibel ora el a tuma nota kon e kabesante di e grupo 12, Sr. Gerrit Schotte ta trese dilanti kon nan si ta sali i defendé trahadónan di InselAir, miéntras tantu e mesun grupo 12 aki, na momentu ku den parlamento mester a tuma un desishon pa fia InselAir un suma di 33 mion florin pa e kompania por sigui eksistí, ta e mesun grupo aki den parlamento esta e grupo di 12 tabata kontra pa Gobièrnu hasi un fiansa na un kompania privá.

Nan tabata di opinion ku den pasado esei no a tuma lugá ku DCA i tampoko a fia DAE. Pero Gobièrnu na su turno a duna splikashon al kaso e tempu ei i a splika kiko ta e importansia di InselAir e momentu aki i kiko ta su nifikashon pa komunidat i ekonomia di Kòrsou.

Echo ta ku tempu ku DCA tabata den problema, tabatin konekshon entre di islanan ku ta forma Reino Ulandes den Karibe, pa motibu ku DAE tabata bula e mesun rutanan ei. Na momentu ku DAE a konfrontá problema, atrobe tabatin un situashon ku konekshon entre e islanan tabata garantisá, pa motibu ku tabatin InselAir.

Den e kaso aktual, si InselAir dal su portanan será, anto lo no tabatin konektividat ku Aruba ni ku St. Maarten i pa loke ta Boneiru, e konektividat lo tabata limitá ku solamente 20%.

Gijsbertha a bisa ku mester a evaluá e situashon finansiero ekonómiko i no solamente pa loke ta e aspekto di kuponan di trabou si sera InselAir, pero tambe konsekuensianan ku esaki lo bai tin pa kaha di Gobièrnu.

Esaki tabata motibu ku gobièrnu a skohe pa duna un fiansa di 33 mion florin, pa yuda reskatá e kompania i tambe pa salvaguardá mas tantu posibel kuponan di trabou.

E fiansa a tuma lugá kondishoná, Gijsbertha a bisa. Tur esaki ta pa e kompania por yega na un situashon mas sano.

Un di e kondishonnan ku Gobièrnu a stipulá ta ku nan ta nombrá mayoria di e gerensia di InselAir. Den e kaso aki, Gobièrnu a pone su hende komo direktor finansiero di InselAir.

Otro kondishon ku Gobièrnu a stipulá ta nombramentu di miembronan di hunta di komisario. Gobièrnu a nombrá dos persona, InselAir tambe a nombrá su dos personanan i huntu nan a yega na un Presidente Komisario, den e kaso aki eks Minister di Finansa, dr. Jose Jardim.

Mas di e kondishonnan ku Gobièrnu a stipulá ta pa InselAir yega na un partner stratégiko. Na e momentunan aki ta papiando ku
Avianca i ya tin un LOI firmá pa por yega na un akuerdo huntu.

Tambe Gobièrnu a stipulá ku e plakanan pegá na Venezuela, tambe ta forma parti di e kondishon. Ora ku e plakanan aki los, nan ta bin pa kuenta di Gobièrnu.

Finalmente InselAir mester yega na un partner stratégiko i manera ku nan yega na esaki, Gobièrnu ta hala atras.

Bron: Extra

Ku dokumentu den man ainda Amparo dos Santos no ta komprondé kiko e tin

WILLEMSTAD. – Hopi lamentabel partido MAN tin di tuma nota kon den e dianan aki Amparo dos Santos ta kana rònt ku un dokumento den su man i ta bisa ku gobièrnu anterior o sea gabinete Koeiman a  kometé froude.

Dos Santos a bisa ku e lo sòru pa parti e dokumentunan aki pa tur hende wak kiko a pasa i kon a saka, malversá hopi mion. Kenneth Gijsbertha durante un rueda di prensa a bisa ku ni ku dokumentu den man, Amparo no sa kiko e ta lesa. Esaki ta un kos tristu Gijsbertha a splika.

Dos Santos ta kanando ku un dokumento den man i ta papia di sakeamentu di plaka, malversashon etcetera. Gijsbertha ke aklará Dos Santos kiko e dokumentunan ku e ta kana rònt ku nan ta. Ta netamente plaka ku gobièrnu a pone pa saka InselAir for di pèrtá. Pa splika e loke ku Dos Santos tin den su man, Gijsbertha a mustra riba kada fecha kiko a pasa.

Dos Santos a bisa na un radio emisora ku riba dianan:

29 di desèmber, a saka  3 mion;

25 di yanüari a saka 5.6 mion;

15 di febrüari  a saka 3.4 mion florin;

23 di febrüari a saka 7.2 mion;

23 di mart a saka 6.4 mion florin.

Pues na total a saka 25.7 mion florin.

Manera ariba menshoná, segun pensamentu di Dos Santos, ta malversashon a tuma lugá. Esaki ta netamente e plaka ku gobièrnu a saka den transh pa InselAir skapa kupo di trabou. Ta plaka ku gobièrnu a garantisá InselAir.

E plaknan aki ta kubri e défisit di kada luna i mayoria di e plaka ta pago di salario. Pero awor Dos Santos ta ta bruha tur sorto di kos den oro. Esaki ta un forma hopi baho di informá komunidat, Gijsbertha a bisa.

Awor nan ta hasi manera ta nan ta defensornan di InselAir kaminda ku netamente ta nan ta esunnan ku a nenga di vota pro yudansa InselAir. Gijsbertha a trese dilanti ku ohalá pronto tin solushon strukturá pa InselAir.

Bron: Extra

2 reacties

  1. Miep, nos tin muchu hende riba lista politiko of sinta den Staten ku simplemente no tin e skol/experencia of preparashon na ordu pa atende ku e kosnan ku mester wordu atende.
    Mi ta mira miembronan ta papia palabra malu so of ta husga otro na manera baho sin exskrupulo. Esaki pa kita atenshon ku nan no ta bon prepara.

  2. kon bo por kere un homber ku pa suerte a jega huishoudschool ta por kompronde kosnan asina su mes bukinan di hegoshi nunka tabata na ordu-e simplemente no ta kompronde nada-

Geef een reactie

Vul alstublieft uw commentaar in!
Vul hier uw naam in

Zoeken

Recente reacties