26.4 C
Willemstad
• donderdag 28 maart 2024

Extra | Journaal 26 maart 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Monday, March 25, 2024

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...

Extra | Journaal 25 maart 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Friday, March 22, 2024

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...

Extra | Journaal 22 maart 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Thursday, March 21, 2024

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...
- Advertisement -spot_img

Extra | Di “Apòstel” pa sospechoso di violashon seksual

HomeMediaExtra | Di “Apòstel” pa sospechoso di violashon seksual
Vandaag regiezitting Apostel Balentien
Apostel Balentien pa sospechoso di violashon seksual

…Si nos no ta robes, un di e personahenan ku mas su nòmber a keda menshoná durante di aña 2015 tabata di un persona ku tin un funshon komo parlamentario. Aña 2016 kos a kambia un poko asina.

Unda ku bo bira, sea ta na radio, televishon, página sosial i korant  bo por a tende tokante di un supuesto “apòstel”. E motibu dikon por e tende e palabra apòstel zona no tabata komo ku el a hasi bon obra pa hendenan den nesesidat, kuida di biuda i wèrfano òf motivá personanan pa kana den e kaminda di Dios. Apòstel Orlando Balentina su nòmber a bira konosí despues ku vários akusashon di abusu seksual kometé ku mucha a keda hasí den su kontra.  E kos a kuminsá na momento ku un hóben a bai entregá keho indikando ku fo’i tempu ku e ta mas chikí, alrededor di 11 aña, Orlando tabata mishi kuné seksualmente na vários okashon.  Komo ku ta trata di violashon seksual detayenan spesífiko di loke a sosodé naturalmente no por keda divulgá. Loke si a bira konosí tabata ku e víktima ta yu di un pastor ku ta man drechi di apòstel Balentina.

Riba indikashon di Apòstel O e mayornan a laga e yu muhé bai biba serka dje pa supuestamente e implementá òrdu i disiplina den su bida. No a tarda mashá ku durante ku e tabata den e kas ku Apòstel a kuminsá ta mishi kuné.  Miéntras ku e tabata biba den e kas i tabata bou di vigilansia di apòstel, e no por a konta niun hende di loke tabata sosodé kuné ya komo ku e tabata bou di menasa. Loke a hasi e kaso aki unu aun mas straño tabata e asuntu ku e esposa di apòstel tabata na altura di loke tabata pasando pero no a hasi nada pa stòp esaki. Konsekuentemente e situashon aki a perdurá pa un tempu.

Tata di víktima no ta kere ku tabatin violashon
E notisia di e violashon a plama rápidamente i asta e ruman di e víktima a duna deklarashon na EXTRA. Di niun manera e tata si no kier a kombersá ku medionan di komunikashon. Ora a spera ku e reakshon natural di e tata tabata pa defendé su yu na promé lugá, e tata a keda fiel na apòstel O.B ku te na e momento ei ainda Ministerio Públiko no a emití un òrdu pa su detenshon. Tantu e tata i sobrá miembronan di e kongregashon a konsiderá e akusashonnan aki komo un atake kontra di e obra di Dios. Ta masha seshon di orashon i lesamentu di e palabra tabatin pa para loke a keda kategorisá komo un trampa di e enemigu pa stroba nan debí na e éksito ku ta kosechando. E asuntu a bai asina leu ku a bisa ku e víktima i tur esnan ku a sali despues ta poseé pa demoño ku ta pone nan saka mentira.

9 víktima di abusu seksual
Ora ku a kere ku ta un hobensita so tabata víktima na man di e supuesto apòstel, un tras di otro mas hende muhé a sali bisa ku tambe tabata víktima, un total di 9 di kual sigur 4 tabata menor di edat ku e akusado a abusá di nan. Tres di e víktimanan tabata muchanan ku ta keda serka dje den kas pa e guianan. Serka algun, e  violashon a kuminsá na momentu ku nan tabatin 12 aña. Un dado momentu e tabata mishi i violá tur e tres víktimanan den mesun periodo, pues pareu den su mes kas.

E muchanan ku a lanta serka e hòmber aki i su kasá,  tabatin problema na kas, sea famia a kibra òf nan ta rebelde òf nan ta sinti falta di e figura di tata. E O.B. tabata tuma e muchanan den kas, den e afan pa guia nan. P’esei e muchanan tabata mir’é komo nan tata i mas ainda e tabata pastor, pues un tata spiritual. E muchanan i hopi otro víktima, tabata sigui e akusado aki siegamente. Un total di 18 akusashon tin kontra di O.B. ku ta repartí entre 9 akusado. E promé víktima, e akusado a kuminsá viol’é for di dia e tabatin 12 aña te ku su 17 aña. El a mishi ku tres di e muchanan aki ku tabata den su kas pareu. Un di e víktimanan a konta ku e akusado a dun’é algu bebe i el a bai for di dje, ora el a bin bei el a nota ku e hòmber a viol’é. Tabatin un otro víktima, kende ku su 18 aña a bira miembro di e kongregashon di e akusado. E akusado a bai pa hasi akto inmoral kuné. Pero e víktima aki a bai purba na para e akusado, kos a sali for di man.

Un di e víktimanan ku el a violá 5 aña largu, na momentu ku e mucha a haña frei, e akusado a rabia. Esaki a poné bai ku e mucha den mondi na Brakkeput i a viol’é. El a “persiguí” e mucha aki, pero e víktima aki a mira manera di hui for di kas di e akusado. Frei di e víktima tambe ta konfirmá, ku ora el a bai serka e damita na kas di e “pastor”, esaki a kore kuné na mal òrdu. Otro víktima a konta ku e tambe a drenta e misa. Un dia “pastor” a yam’é bin den kamber i a bisé: “Ban hasi kos fis”. Otro víktima el a bai kuné na playa di Boka Samí, kaminda el a violá esaki.

Dikon e víktimanan no a entregá un keho na polis mas promé?
Hopi ta esnan ku a hasi e pregunta aki. Sinembargo durante di tratamentu di e kaso den korte fiskal a duna di konosé ku  e víktimanan tabatin hopi miedu mes di bai Warda di Polis komo ku nan no kier a topa ku agentenan polisial ku ta miembro i amigunan serkano di O.B. pa e motibu ei mes mester a reuní pafó di edifisio di reshèrshi ku e víktimanan pa nan ta dispuesto na deklará loke a sosodé. Tratamentu di O.B. su kaso ta tuma lugá te na mei 2017.  Su abogado a intentá pa su kliente rekobrá su libertat pendiente tratamentu di e kaso den Mei. Pero Fiskal a mustra riba e gravedat di e akusashonnan i di niun manera e no ta haña ku O.B. mester bai liber. Finalmente wes a rechasá e petishon di e abogado.

Hopi iglesia a keda afektá
E kaso di O.B. a pone ku un temporada hopi iglesia tabata blanko di hopi kritiko. Direpente tur pastor òf lidernan di iglesianan ku semper tabata bon mirá a keda akusá di  tin falta djis pasó un tempu O.B. tabata bishitá nan iglesia. E úniko kos ku tabata falta ta pa a bai wak tambe ta kua skol O.B. a bishitá.

Konklushon:
E kaso aki mester sirbi komo un atvertensia pa tur persona ku ta bishitá òf ta miembro di un iglesia pa no sigui niun pastor/lider siegamente. Finalmente pa kuantu ku e por pretendé ku Dios ta papia kuné, e ta mesun hende ku bo. E tambe tin su debilidatnan pa kon fuerte ku e por pretendé di ta. Anto e tambe mester di Dios mesun tantu ku bo. Pues hamas no kue niun pastor/lider halsa na laira, pasó esei ta e lugá di Dios.

Bron: Extra

Dit artikel is geplaatst in

Geef een reactie

Vul alstublieft uw commentaar in!
Vul hier uw naam in

Zoeken

Recente reacties