WILLEMSTAD,- Direktor di SSC Margit de Freitas ta lamentá e karta anónimo ku deskonosí a manda na media di komunikashon tokante SSC. Den un reakshon na korant EXTRA De Freitas ta skirbí: ‘Segun e ‘ klokkenluiders’ mal maneho i malgastamentu di miónes ta reina den SSC.
Nos ta lamentá e akusashonnan falsu. Segun nos e motibu di e akusashon falsu tin su orígen den un proseso di reorganisashon ku a kuminsá sinku aña pasá den SSC.’
De Freitas ta skirbí ku Huntu di Komisario i gerensia di SSC den 2011, ora nan a keda nombrá, a hasi un investigashon profundo den e organisashon. ‘Konklushon importante tabata ku SSC no tabata organisá komo organisashon finansiero. Konsekuensia di esaki tabata entre otro hopi problema ku efisiensia. No tabatin hopi instrumento pa kontrolá e maneho. Hopi kliente di SSC tabatin problema ku pagamentu di debe i tempu di espera tabata sumamente largu.’
De Freitas ta splika ku no ta fásil pa manehá un organisashon komo SSC na un manera korekto si e no ta bon organisá. A kuminsá un gran proyekto di reorganisashon. Na promé instansia pa e kliente di SSC. Den e kuadro, segun De Freitas, introdukshon di un programa di preparashon pa studiante nobo tabata hopi importante.
‘Tambe nos a drecha ofisina di SSC na Ulanda.’ Na su opinion programa di reorganisashon a bai bon te ainda. ‘Tin mas atenshon pa entre otro transparensia, kontakto ku klientenan i nan mayornan.’ De Freitas ta komprendé ku un proseso di reorganisashon ta krea kambio. I no tur hende den e organisashon ta di akuerdo ku esaki. ‘Pero pa e organisashon ta nesesario pa kontinuá i traha pa mehorá efisiensia i efektividat den e organisashon.’ Den kuadro di outomatisashon diferente funshon den SSC lo keda eliminá. Pero segun De Freitas lo introdusí kurso di rekapasitashon pa hende por haña otro funshon den e organisashon.
De Freitas no ke reakshoná riba tur akusashon den e karta anónimo. Segun e direktor di SSC hopi di e akusashon ta kompletamente falsu. E ta splika ku pa gerensia di SSC transparensia ta hopi importante. ‘Ta bon pa menshoná ku resientemente nos a duna órden na un akountent eksterno pa investigá hopi punto den e organisashon.’
Bron: Extra
“… proseso di reorganisashon …”
Yep, dit was ook de reden waarom onze Hare Majesteit, de gevolmachtigde minister in Nederland, lastig werd gevonden door de klokkenluiders.
Creatief zijn de PS’rs niet, dus reden genoeg om snel door de mand te vallen.
stja wat kan je anders zeggen, de klokkenluidster heeft gelijk.
ook hier is het ik was het niet het was van de vorige en me opvolger die het hebben gedaan.
wanneer gaan we nu eens competente mensen aanstellen, in plaats van mensen die zo gauw je ze een titel geven denken dat ze alles kunnen doen en laten.