WILLEMSTAD.- E situashon ku tin aktualmente den komunidat ta unu basta alarmante i penoso. Ta p’esei ta importante e loke ta bai pasa djasabra awor tantu den oula di Universidat di Kòrsou (UoC) komo na Brionplein yamá “Konsulta Nashonal”.
Esei di akuerdo ku sra. Anne-Sheila Albertoe, direktor di Bos di Hubentut, durante un enkuentro ku prensa pa anunsiá dje aktividat. E konsulta ku pueblo lo kuminsá djasabra pa 10’or di mainta na UoC e ku 13’or, siguí despues pa 5’or di atardi riba Brionplein unda lo informá komunidat di resultadonan di e debatenan na nivel akadémiko na UoC, kombiná ku un akshon di firma.
Segun sra. Albertoe, e ta kere ku na e okashon aki hopi personahe den komunidat lo mester tei presente, for di mandatarionan te ku parlamentarionan ku ta esnan ku ta hasi e kambionan di lei posibel finalmente. Pueblo di Kòrsou mester ta presente, prensa tambe, pasobra ta trata aki di un kambio importante den pais.
I Bos di Hubentut ta konta ku yudansa i sosten di tur hende, pasobra a yega e momentu pa e kambio berdadero bini awor si. Anto esaki ta kuminsá na e lei ku di un forma ineksplikabel a keda suavisá. Anto lo mester bai skucha i siña ku ta kiko a pasa ku a suavisá e lei aki, pero mester siña tambe pa mehorá loke un dia a bai ménos bon.
Na 2011 e grupo di Aliansa a entrega 17 mil firma na Parlamento di Kòrsou. E tempu ei Aliansa huntu ku Bos di Hubentut a entregá un karta na Promé Minister sr. Ivar Asjes, ku e petishon spesial pa revisá e lei aki pa asina bini kambio.
Durante e manifestashon na Brionplein lo tin un akshon di firma kaminda Bos di Hubentut ta spera di surpasá e kantidat di biaha pasá i asta yega 20 mil firma. Tempu a pasa, pero awor tin e ekspertonan ku por yuda, ku ta di UoC, i e ta konvensí ku e momentu a yega pa kambia e lei bèk.
Segun sra. Albertoe ta hopi esfuerso Bos di Hubentut a bin ta hasi atraves di añanan pa bin ku un maneho pa medio di kua ta protehá nos muchanan for di abusu. Bos di Hubentut algun aña pasa a traha riba un Plan Nashonal di Hubentut, pero te ku e dia djawe el a keda na un plan riba papel. Por sierto, e Plan Nashonal aki ta e fundeshi i base pa loke ke hasi pa mucha i hóbennan pa nan tin un bon desaroyo.
Bron: Extra
Waar zijn alle Parlementariers die we rijkelijk belonen voor niets doen?
En idd, over welk wettelijk onderwerp hebben het hier over?
Lijkt wel de Parlementariers die alleen maar reageren als iets is gebeurd en daarna vergeten wij het . Regeren is toch vooruit zien?
Kies dan in het vervolg mensen die het werk kunnen doen en niet de idioten die nu in de staten zitten.
Ta over di kwa lei ta ser papia. Un artikulo sirbi sin splikashon di kiko e ta ensera. Sin pai sin kabes. Ta trata di un lei ku mester ser kambia? Pero kwa lei anto?