‘nunka mi a mira niun prueba’
WILLEMSTAD.- Segun parlamentario Elmer Wilsoe diferente hende a hasi deklarashonnan falsu kontra su persona. Pero nunka nan a bin ku prueba. Asina Wilsoe a splika, ayera durante un rueda di prensa den sede di Pueblo Soberano.
Wilsoe a reakshoná riba e lèkmentu siman pasá di dokumentonan di RST tokante investigashon di hende responsabel pa asesinato di Helmin Wiels. Den e investigashon Wilsoe ta menshoná komo sospechoso for di aña 2014. Meskos ku entre otro eksminister George Jamaloodin i eks-minister Carlos Monk.
Ayera Wilsoe a splika ku: ‘Amparo dos Santos a deklará ku mi tin yen yen di plaka. Segun Amparo dos Santos mi tin 1.2 mion $ na un kuenta na Miami”. Pero segun Wilsoe Dos Santos no por a duna mas detaye. Tambe Wilsoe a bisa ku periodista Humphrey Zimmerman a deklará na RST ku ‘Aubert Wiels a bisé ku Wilsoe a lanta hopi plaka”. Segun Wilsoe ‘un otro yùfrou a deklará ku Aubert Wiels a bis’é ku ta ami ku a introdusí Helmin Wiels den e mundu baho.”
Wilsoe: ‘Pues henter lokual ami a haña ta basá riba ‘ken di, ken torno, ken bolbe’. Wilsoe a splika ku ora bo ta sospechoso, bo tin derechi pa mira tur verbal ku a bai over di bo. Anto ora nos a mira ku lokual a bini, despues di masha pidimentu ku a dura mas ku tres luna, ta kos di yora. Kualke dia mi ta publiká e dossier. Pa tur hende komprendé ki wega ta keda hungá.”
Wilsoe: ‘Loke mi tin na verbal ta asina ridíkulo, ku ami no ta sinti mi sospechoso. E kosnan no ta bisa mi nada i e no ta kuadra ku bèrdat.”
Segun Wilsoe den e último dos añanan, kada kuater luna el a manda karta na Ministerio Públiko reklamá nan. ‘M’a splika ku mi ke e kosnan ta kla mas lihé posibel, pa mi ‘clear’ mi nòmber. Pa simpel motibu ku mi ke sa di unda e bientu ta bini. Nos a manda kartanan kontinuamente, pero semper Ministerio Públiko a ninga pa duna nos mas ‘inzage’ den e verbal ku ta atendé ku e kaso”. Wilsoe: ‘Semper fiskal Rip a bisa ku pa motibu ku e investigashon ta grandi i kompliká e no a laga nos mira tur e verbalnan.”
Bron: Extra
zei ik toch
‘mi ‘clear’ mi nòmber’?
De dikke idioot zit al jarenlang onderuitgezakt slapend in de Staten zijn baas Robbie dos Santos te dienen en deed datzelfde daarvoor in andere veel te dik betaalde overheidsfuncties.
Wilsoe heeft geen enkele ‘nomber’!
Op zijn grafsteen komt te staan:
‘Hier ligt Wilsoe, voor eeuwig horizontaal, zijn favoriete positie,
voormalig loopjongen van dos Santos, vervolgd voor moord door justitie’