WILLEMSTAD.- “Mi a yama prensa pa splika ku mi ta rabiá. Rabiá, pasobra ta makamba ku ta kore ku yu di Kòrsou inosente ku no ta hasi nada malu.
Pa kolmo nan ta sera parti di kosta, sin pèrmit. Korte a ordená un stòp di e konstrukshon, pero nan a sigui konstruí. Despues nan a entregá nan pèrmit, pa haña un pèrmit nobo den 8 dia, ku ta hopi lihé. Na mi opinion esaki ta un prueba ku lei no ta konta pa tur hende.” Asina siudadano Hans Stadt a bisa EXTRA.
El a purba di papia ku Suzy Camelia-Römer pa dos aña kaba, ku tabata minister di Tráfiko, Transporte i Planifikashon Urbano. E tabata responsabel pa e pèrmit ku su ministerio a duna pa konstrukshon kontra reglanan di EOP. Despues a bira konosí ku e tereno ta riba nòmber di Pais Kòrsou. “Na mi opinion sra. Camelia-Römer mester a tuma akshon. Pero semper el a keda hopi leu for di e kaso aki.”
Stadt a splika ku e no tin pasenshi mas. “Si mi bisiñanan a konstruí un kas ilegal i tambe un pisina riba tereno ku ta di Pais Kòrsou, mi ke invitá henter pueblo di Kòrsou pa disfrutá di e kosta di playa na Pietermaai i tambe pa landa den e ‘pool’.”
Bron: Extra
Ta manera apartheid a keda introdusí na Kòrsou
WILLEMSTAD.- “Pa mi e aktitut di mi bisiñanan ta un bèrgwensa. Nan a konstruí un kas na un manera ilegal, poderá di un parti di playa i laman na un manera ilegal. I ora un yu di Kòrsou hóben ku ta buskando kiwa subi e tereno nan ta menasá e chabalitu ku kachó. Pa mi esaki ta insoportabel. Ta manera apartheid a keda introdusí na Kòrsou.” Asina Hans Stadt a bisa EXTRA.
Stadt ta un habitante di un kas den Kaya Wilson “Papa” Godett den Pietermaai. Stadt a informá prensa ora el a mira i tambe graba su bisiña menasá un hóben. “Pa mi ta importante ku playa i kosta di Pietermaai ta keda liber pa tur hende. Bo no mag di hòrta tereno di pueblo”.
Manera ta konosí Stadt algun aña pasá a kuminsá un kaso kontra su bisiñanan. Na su opinion nan no tin derechi pa konstruí e kas, ku ta un kompleho moderno di bibienda. Konstrukshon ta violashon di Eilandelijk Ontwikkelingsplan (EOP). Segun Stadt su bisiñanan a haña yudansa for di mundu polítiko. “Mi no por tin un otro splikashon. Pa kolmo nan a pone ‘hek’ den laman pa asina okupá parti di playa i laman ku ta di pueblo.
Pero ora mi mira ku nan ta trata yu di Kòrsou asina, pa mi e ta bira algu di mas. Mi ta kondená e aktitut di mi bisiña kompleto.”Por mira e video di e situashon riba wèpsait di EXTRA. EXTRA a purba di haña reakshon di e bisiña, pero te ainda no a haña reakshon.
Bron: Extra
Dit bedoel ik met corruptie. Je vraagt een vergunning aan die wordt niet eens behandeld of pas na een paar jaren.
Als je fors betaald of is de aanvrager een familielid van een POLITICUS dan krijgt je deze vergunning binnen een paar dagen.
Esaki mas bien ta tarea di Servisio pa Atministrashon i Maneho di Tereno Públiko pa ku repartimentu di e tereno i dimes Servisio pa Planifikashon Urbano ta reponsabel pa otorgashon di permit pa konstrukshon . Pero mirando ku permit duna no korekto anto muchu menos nan tin mag apodera di e palya dilant e kas konstrui. Ei bo ta ripara tin hopi kos di traha riba dje na Kòrsou aki. Sea ta sigui lei i si opta pa kibra esaki ta mas ku obvio ku e persona responsabel tin di karga ku e konsekuenshanan. Di otro banda tambe tin investiga kon por a laga otorga un permit ku no korekto!