WILLEMSTAD.- Segun Alexander Saleh, presidente di asosashon di spesialistanan di Kòrsou, dr. Patrick Fa-Si-Oen ta un siruhano hopi kapasitá. E tin tur kapasidat pa funshoná komo siruhano.
Manera ta konosí Fa-Si-Oen na e momentu aki ta konfrontando ku sierto problemanan tokante su registrashon komo siruhano. Alexander Saleh:
“Nos ta papiando tokante formalidatnan ku lo pasa. Punto kardinal ta ku Fa-Si-Oen ta un siruhano kapasitá.”
Saleh ta enfatisá tur operashon ku Fa-Si-Oen a hasi for di aña 2003 na Kòrsou, el a hasi tur ku kualifikashon nesesario.
“Niun hende a keda operá dor di un hende ku no ta kualifiká. Esaki ta un mensahe hopi importante pa pueblo di Kòrsou. Niun hende mester ta preokupá.”
Saleh ta reakshoná riba notisia ku a sali resientemente tokante siruhano Fa-Si-Oen.
Eks-inspektor di Salubridat na Kòrsou Jan Huurman a bisa ayera den EXTRA:
“Patrick Fa-Si-Oen no a sigui e studio nesesario pa bira siruhano. Tampoko e no ta registrá komo siruhano. Na Kòrsou el a falsifiká material pa haña e trabou komo siruhano na Sehos. Si e bai, por ehèmpel, Boneiru òf Ulanda pa operá e ta kastigabel.”
Fa-Si-Oen a studia na Bèlgika i a purba di registrá den komishon ku ta enkargá ku registrashon di spesialistanan médiko na Ulanda, RGS. Esaki a keda ningá. Den e kuadro ei Fa-Si-Oen a splika EXTRA resientemente ku registrashon komo siruhano na Kòrsou ta algu kompletamente diferente for di su registrashon na Ulanda i Bèlgika. E por traha kompletamente legal na Kòrsou.
Segun Fa-Si-Oen e diskushon tokante su registrashon na Ulanda òf Bèlgika
“no tin nada di aber ku e kalifikashon di mi komo siruhano na Kòrsou. Ta importante pa hasi e distinshon.”
Bron: Extra
Hij opereerde onder Whiteman dus die heeft ook zitten slapen alsmede zijn uierst domme opvolger Bitorina ondertussen heeft de man een spoor van ellende achtergelaten.
van Saleh hoef je het ook niet te hebben-heeft al genoeg schaede in zijn vak aangericht aan mensen-klapzak chirurg is dat.
Breek me de bek niet open.FA-SI-OEN heeft met vele ex.patienten en familieleden een appeltje te schillen.Hij kan en mag niemand meer opereren zonder de vereiste big inschrijving .Zijn collega’s (chirurgen) in het kwaad zullen proberen hem te beschermen wat hun niet zal lukken.wij zijn aan het aftellen.
Kuestion ta si Ministerio di Salubridat na Korsou a registré.