WILLEMSTAD.- Den futuro Fundashon Wega di Number Kòrsou (FWNK) lo por bai organisá tur tipo di loteria pa kual bo mester di un lisensia. Esei lo bira posibel na momentu ku kambia statutonan di e fundashon.
T’asina ku resientemente a pidi konseho seka SBTNO ku finalmente a mustra ku e no tin opheshonnan di peso pa bai kontra e konseho pa kambia statutonan di e entidat aki. Mediante un petishon for di dia 30 di novèmber 2016 a pidi e entidat ariba menshoná pa duna su konseho a base di un evaluashon dje proposishon ku tin pa kambio di statutonan.
Pa medio di un desishon di Konseho di Minister di 24 di febrüari 2016 a otorgá eksplotashon di lotto na FWNK. Den e konseho di Ministerio di Finansa ta ser bisa ku esei lo por bira posibel solamente si hasi e kambionan di statuto di e fundashon. I e konsepto ta bisa entre otro ku e meta di e FWNK ta lo siguiente:
Sakamentu di premionan di loterianan konforme artikulo-3 di e Ordenansa di Loteria 1909 i maneho di e fondo di garantia ku ta ser menshoná den e mesun ordenansa.
Mas aleu e ta papia di organisashon di lotto den kuadro di e ordenansa di loteria menshoná, kual ta enserá loterianan ku ta duna oportunidat na partisipantenan pa pronostiká un kantidat di sifra ku ta sali pa medio di un rifa. E premionan lo konsistí di plaka òf papelnan di balor.
Tambe e mea dje fundashon lo enserá organisá preguntanan pa gana premio, loteria di raspa i otro formanan di loteria i weganan di hazar pa kual mester di un pèrmit duná dor di un instansia outorisá. Pero tur esaki teniendo kuenta ku e ordenansa di loteria di 1909 i e pèrmitnan nesesario.
E ta bisa tambe ku e fundashon ta outorisá pa hasi tur loke por ta útil pa e logra su meta, tur kos den e sentido mas amplio dje palabra i teniendo kuenta ku interes general i e desaroyo sosial ekonómiko di Kòrsou.
Kambio di e meta dje fundashon ta basá riba desishon di Konseho di Minister. I a base di aprobashon di e konsepto dor di tantu direktiva komo hunta di komisario di FWNK por konkluí ku tantu direktiva komo hunta di komisario di FWNK ta sostené e desishon di Konseho di Minister. I teniendo kuenta ku un ke otro ku a ser trese dilanti, SBTNO no tin ningun opheshon di peso kontra e kambio di statutonan di FWNK.
Bron: Extra
Dus FWNK kan loerijen gaan organiseren waarop het ook moet toezien.
Wat was precies de vraagstelling aan SBTNO? Naruurlijk kan SBTNO geen bezwaar hebben tegen een organisatie dat zijn statuten wilt wijzigen. Vraag is of er dan een belangenverstrengeling ontstaat.
Wij zijn de zaken weer aan het vertroebelen!
Ki dia ta mira sen genera ku e weganan bai bek pa pueblo di Korsow?