WILLEMSTAD. – Kaso Ministerio Públiko vs. Norbert George ku buèlta interesante, ora ku e periodista Ives Cooper a drenta e kaso komo testigu i a desbaratá ponensia di Norbert George kontradisiendo e úniko supuesto testigu di George.

Manera ta konosí Norbert George den luna di sèptèmber 2016 lo mester a hasi un ekspreshon via di media sosial ku tin algun periodista riba “payroll” di Ministerio Públiko i den esaki el a hasi menshon den novèmber di periodista di kua un di nan tabata Ives Cooper.

Ministerio Públiko a aserká George pa e rektifiká e loke ku el a plama rònt, pero George no a duna oido na e petishon aki i esaki a resultá den un huisio sumario kontra di su persona.

Ayera e kaso a keda trata i abogado di Ministerio públiko mr. van den Heuvel a hiba un nota i defensa dirigí i al kaso sin muchu aspekto djis pa yega un nota di defensa pa yega na su punto, esta rektifikashon di e loke ku el a bisa.

Norbert George a presentá sin abogado i e mes a defendé su mes, mester indiká ku George a hiba un defensa ampliamente motivá, pa e mustra ku e loke ku e lo a bisa ta loke ku Ives mes a bis’e den un kombersashon huntu ku entre un tal Haakmaat i un tal Lucio ku hopi biaha sa ta huntu ku nan den un proyekto ku nan lo mester tabata traha riba dje.

George kemen ku e no a bisa ku tin hende riba “payroll”, pero ku Ives a krea e impreshon ei el a bisa ku e ta kere e loke ku Ives a bis’e.

Akinan Ives a kai den e kaso, ora ku abogado di Ministerio Públiko a bisa hues ku Ives ta den sala i pa kiko no tende pa sa ku e loke ku George ta bisa ta bèrdat.
George a oponé un ratu, pero hues a tende Ives tòg komo testigu, saliendo for di e punto di bista ku si e loke ku Ives a bisa ta e punto di diskushon, dikon no tende Ives mesora.

Akinan Ives a desbaratá e loke ku George a trese dilanti, tresiendo un kombersashon entre su persona Haakmaat, ku ta e supuesto testigu di George, kaminda ku refiriendo riba George, Haakmaat a bisa ku “once a liar always a liar” i ku George ta un gañadó.

Miéntras den George su nota di defensa e ta referí riba Haakmaat komo un di e hendenan ku a tende Ives bisa ku e ta traha ku Ministerio Públiko i lo ta riba payroll di Ministerio Públiko.

Promé ku Ives a testiguá, George a bisa asta ku e tambe ke trese Haakmaat den Korte pa testiguá, pero despues di e loke ku Ives a trese dilanti ku prueba di “facebook”, no ta konosí ku George lo keda riba e punto aki.
Finalmente hues a bisa ku e lo diktá fayo dia 13 di febrüari benidero.

Bron: Extra