Extra | Hefe VDC konsiderando pa bai korte kontra gobièrnu

Micheal Romer - Hoofd VDC

Hoofd VDC Micheal Romer  heeft geen hartklachten meer

WILLEMSTAD.- Hefe di VDC, Michael Römer pa medio di su abogado Berti Braam ta konsiderando pa bai korte pa haña kontesta di parti gobièrnu ki dia e por regresá su trabou bèk. Ayera den parlamento promé minister Whiteman a indiká ku a entamá un investigashon dje servisio i ta wardando esaki. Mr. Braam den deklarashon na EXTRA a indiká ku for di dia 9 di desèmber, despues ku resultado di investigashon di ministerio públiko ta konosí, el a entregá un karta na nòmber di su kliente sr. Römer na tantu promé minister Whiteman i minister di hustisia. Pero te ainda e no a haña kontesta di e karta aki.

E karta tabata pa sa ki dia ta kita su kliente for di ta non-aktif, i ku e por regresá su trabou. Pero manera indiká, e abogado ni sr. Römer no a tene nada di gobièrnu. Un siman a pasa sin haña kontesta. E abogado ta haña ku no por tene hende riba non-aktif, awor ku investigashon di echo ta tras di lomba i no a saka nada afó. P’esei sr. Braam ta konsiderá pa hiba gobièrnu korte pa haña un klaridat den status di su kliente.

Dia 8 di desèmber ministerio públiko a informá ku no tabatin motibu pa investigashon penal kontra di hefe di VDC. Esaki despues ku tabatin notisia ku e hefe di VDC lo a menasá su amiga ku arma di kandela. OM riba su mes a disidí pa hasi investigashon. A resultá ku

tur esnan direktamente envolví a keda skuchá dor di Landsrecherche Curaçao, i tur ta ninga ku tabata tin kuestion di menasa i ku una arma di kandela a keda mustrá.

Debí ku no tabatin echo kastigabel, pero si Prokuradó-general a konsehá minister riba e punto aki. E konseho ta pa ordená un investigashon mas profundo dor di agensia di inteligensia VDC mes òf dor di nombra un komishon pa hasi esaki.

Ayera promé minister a indiká ku e investigashon aki ta andando i ta warda riba e resultado.

Bron: Extra

3 Reacties op “Extra | Hefe VDC konsiderando pa bai korte kontra gobièrnu

  1. Karma’s a bitch!

  2. Dino heeft volkomen gelijk! Schotte heeft Gumbs eruit gegooid omdat die zijn vuile zaakjes in de weg stond. Hij had meer aan een laffe marionet als Romer.

    Nu Coralla gearresteerd is, is er des te meer reden om Schotte langdurig op te sluiten en al zijn marionetten (van Michael Romer tot Stella van Rijn) levenslang uit alle overheidsfuncties te verbannen.

    Heeft Romer meteen alle tijd om zich met Delvira Rosalia bezig te gaan houden.

  3. Michael en Braam, het is jullie goed recht om naar de rechter te stappen.
    Maar de vraag die jullie aan de rechter moeten stellen is “Wanneer mag dhr. Gumbs weer naar zijn werk”?

Geef een reactie

Het e-mailadres wordt niet gepubliceerd. Vereiste velden zijn gemarkeerd met *