WILLEMSTAD,- ‘ Nos ta papiando i awe nos ta sigui ku kombersashonnan. Lógikamente mi a spera ku ayera nos lo a bai di akuerdo.
Pero te ainda nos tin un negoshashon entre e kuater partidonan. I mi tin hopi konfiansa ku nos lo yega na un akuerdo awe.’
Asina Henny Reinilia, presidente di partido PNP ta splika. Ayera despues di reunion di tim di negoshadónan di partidonan MAN, PAR, PNP i Pueblo Soberano el a duna deklarashon na prensa. ‘Nos no ta kla ainda, pero nos tin ‘hùiswèrk’ pa traha riba dje.’ Reinilia ayera a splika ku e tin hopi konfiansa ku awe e partidonan MAN, PAR, PNP i Pueblo Soberano lo yega na un akuerdo.
Riba dia 10 di òktober tur e kuater partidonan a deklará den e karta ku nan ta disponibel pa traha huntu i forma e siguiente gobièrnu di koalishon pa Kòrsou pa e periodo di 2016-2020, basá riba transparensia, integridat, speransa i rèspèt.
Segun Reinilia te ainda e partidonan ke traha huntu den e siguiente gobièrnu. Ayera partidonan a deliberá ku nan ‘ achterban’ . ‘Awe nos lo sigui ku e kombersashonnan. Te ainda tin sierto puntonan, sierto karteranan ku mester hinka bek den originalidat. Tin sierto kos ku tin ku diskutí riba dje.
Esaki ta lógi ko. Pasobra durante negoshashon bo mester tin bon palabrashonnan. Negosiashonnan ta kanando den un esfera bastante bon’, segun Reinilia. ‘Nos ta hibando kombersashon tokante repartishon di karteranan. Te ainda nos no tabatin diskushonnan spesífiko tokante kareteranan.
Den prensa e ta biba si. Pero segun mi esaki ta parti di nos kultura.’
Bron: Extra