Extra | InselAir pidi un tiki komprenshon i pasenshi ku e situashon

...plaka for di Venezuela òf partner stratégiko lo por yuda...  | Foto Extra

…plaka for di Venezuela òf partner stratégiko lo por yuda… | Foto Extra

WILLEMSTAD.- InselAir ta pidi su biaheronan un tiki komprenshon i pasenshi pa ku e situashon ku e kompania di aviashon ta pasando aden, di akuerdo ku e direktor sr. Edward Heerenveen na EXTRA.

Un dje puntonan ku ta pone e kompania den situashon pèrtá ta un debe ku nan tin pegá na Venezuela di 100 mion dòler. E sèn aki por yuda e kompania pa paga C-chek di su avionnan ku ta na tera, pa ta eksakto, e avionnan Fokker. Sr. Heerenveen a indiká ku e suma di 100 mion dòler ku ta pegá na Venezuela ta di 9 luna, for di mart 2015 pa desèmber 2015, i nan no ta mira ni un manera kon ta haña e sèn aki for di Venezuela pa kaba.

Anteriormente e kompania tabatin 74 mion dòler pegá, i nan a logra di lòs e sèn aki, pero atrobe ta den situashon fèrfelu debí na 100 mion dòler ku ta pega. Un motibu simpel ta ku semper Venezuela a sa di paga i awor nan mes no tin dòler. “No ta pasobra nos tin monopolio”.

“ E situashon for di Venezuela ta realmente fèrfelu. Por mira den pasado ku Tiara Air a kibra dor di Venezuela, DAE a kibra dor di Venezuela. InselAir te ainda ku 100 mion dòler pegá na Venezuela, ta drei ketu bai i nos ta hasi nos bèst pa sigui drei. Ta kos ku hende mester balorá. Pasobra nan tambe por bisa ku legumai i sera porta, i laga otro hende bin purba. Nos ta sigui purba te na final, te dia ku haña sèn di Venezuela òf haña un partnernan stratégiko pa invertí den InselAir”.

Señor Heerenveen ta kere ku un tiki pasenshi i un tiki komprenshon mester keda duná. I esei no ta mira. Apesar ku ta lat InselAir ta transportá tur hende te ainda. Pa loke ta trata merkado na Venezuela, sr. Heerenveen a bisa ku esaki a kai den otro, i pa kolmo e merkado malu. E kompanianan venezolano a haña di gobièrnu venezolano pa paga tur nan kosnan na bolívar i InselAir tin di paga tur kos na dòler. Un ehèmpel, na Venezuela, e aerolínea venezolano ta tènk pa 1 florin p’e mesun kantidat ku InselAir ta tènk tin di paga 100 florin i no por kompetí ku nan.

Di otro banda tin kompanianan venezolano ku a kuminsá bula pa islanan ABC.

HABRIMENTU DI RUTANAN

E rutanan ku InselAir a habri, no ta rutanan nobo. debí na e situashon na Venezuela, nan mester a sali. E buelonan ku a saka for di Venezuela, a keda remplasá ku buelonan pa Jamaica, Haiti, Manaus Georgetown etc. A kita vuelo for di Venezuela i pone otro kaminda ku si ta gana sèn. E kitamentu for di Venezuela a dura 5 luna. Pa kuminsá otro ruta InselAir, mester a hasi propaganda. E traslado di rutanan a tuma lugá di desèmber 2015 te ku yüli 2016 i a kosta 2.5 mion pa luna. E ehersisio aki awor a kuminsá duna fruta.

“No ta kuenta di traha ruta nobo pasó esei ta kosta muchu mas tantu. A kambia for di Venezuela pa otro destinashon. No tin mas tantu ruta promé ku a sali for di Venezuela”, Heerenveen a bisa.

Banda di esaki, ta InselAir ta ‘schiet voor” e belastingnan ku e biahero venezolano tin di paga ora nan bai Miami, Puerto Rico etc.

GOBIERNU A YUDA

“E gobièrnu aki a sostené InselAir verbalmente i tambe fasilitá pa haña fiansa, kual nan mester paga bek. InselAir a bai te Reino, pa wak ku por papia ku Venezuela pa lòs sèn, pero nada di esei no a sosodé. Ta nos ku nos mester solushoná e problema. Nos ta kontentu di sosten ku a haña di gobièrnu, spesialmente e ministernan Jardim, Rhuggenaat i Römer. Pa awor aki ta un problema i nos ta spera di sali hopi lihé for di dje”, sr. Heerenveen a terminá bisando EXTRA.

Bron: Extra

3 Reacties op “Extra | InselAir pidi un tiki komprenshon i pasenshi ku e situashon

  1. Vzla zit hier met de isla. Gewoon Venezolanen weigeren die hier voor de isla komen.. geen olie meer uitvoeren voor pdvsa!

  2. @Margret, stoppen met vliegen op Venezuela is geen optie, daar je dan al het recht op incasso verliest. Know all the facts, before you comment

  3. De vertragingen van Insel Air zijn mensonterend.

    En Heerenveen geeft de schuld aan Venezuela. Nee, Heerenveen, als je blijft vliegen op een land dat je niet betaalt spoor je niet als directeur!

    Maar wat je kun verwachten van een directeur die de lakens deelt met Schottes sloerie Stelle van Rijn.

    Zelfs Delvira Rosalia heeft meer niveau.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *