WILLEMSTAD. – Minister Errol Goeloe di asuntunan Ekonómiko i desaroyo a duna di konosé den un deklarashon pa medionan di prensa ayera ku e tin un plan trahá kaba kon pa bai atendé ku ekonomia di Kòrsou. Tin yen kos ku mester di atenshon.
Un di e instansianan ku mester di atenshon ta InselAir ku ta den un problemanan hopi agudo i ta un lástima ku mas o ménos 300 hende a bai for di InselAir, asina Minister di Asuntunan Ekonómiko Sr. Errol Goeloe a duna di konosé ayera atardi despues di a kaba di huramentá komo minister.
Minister Goeloe a duna di konosé ku e lo bai duna tur su aporte pa e trese solushon nesesario.
Banda di esei tin mas problema, manera problemanan ekonómiko grandi. Kòrsou su ekonomia ta simplemente stanká.
Pa esaki Goeloe tin un plan kaba kon ta bai hasié, pero e mester bai ku esaki Konseho di Minister promé pa wak kon leu e por yega ku e plan.
Un otro aspekto ku mester di atenshon ta e área di peska, plantamentu etcetera ku ta un área ku ta un pilar grandi pa ekonomia di Kòrsou ku defakto nunka a haña e atenshon nesesario, asina Goeloe a bisa.
Pa loke ta trata a kuponan di trabou den sektor di turismo mester bira mas visibel i esaki sin mas lo bira un di e aspektonan ku lo bai haña atenshon.
Goeloe lo bai atendé tambe e aspekto pa frena huida di plaka for di komunidat. Na opinion di Goeloe, tin demasiado sèn ta sali for di komunidat. Esaki ta nifiká ku e plaka aki no ta lora den komunidat ku e konsekuensia ku esaki ta trese stankamentu den komunidat.
Ku esaki sr. Goeloe ke splika ku e plaka ku un hende haña di e komunidat aki, un gran parti mester keda gastá akinan, di manera e plaka por lora, sino ta stankamentu lo bin.
Bron: Extra
Wat een giller. Goeloe ke frena huida di plaka. Anto e ta na e bon adres Laga e kuminsa na e arkitekto di e gabinete aki Schotte ku a wordu kondena entre otro pa “witwassen*.
Had Goeloe alvorens beedigd te worden zich niet eerst even kunnen scheren en naar de kapper kunnen gaan (nekharen)?
Als je jezelf niets eens kunt verzorgen, hoe kun je dan je land verzorgen?
Ondemocratische regering en alles doen om op de plush te blijven en Curacao naar de donder te helpen.Niemand zal in Curacao investeren met jullie aan de macht stelletje sinberguensa