Extra | Jacobo ‘Cocochi’ Prins a fayese

Jacobo 'Cocochi' Prins

Jacobo ‘Cocochi’ Prins

WILLEMSTAD.- Ayera nochi lat, algu despues di 10 ‘or a drenta e notisia tristu di fayesimentu di Jacobo Cocochi” Prins.

Cocochi (80)tabata un persona bon konosí i envolví den e mundu di turismo i kasino. Un empresario ku a hasi hopi na Kòrsou.

Na 1974 Cocochi Prins a haña chèns di bira un di e 5 partnernan di kasino e tempu ei Holiday Inn. El a keda aserká pa Rudy Pizziolo ku e indikashon ku e invershonistanan tabata buskando un partner. El a drenta den e negoshi aki i asina el a bira aktivo den e mundu di turismo.

Huntu ku Pizziolo tambe el a drenta den Seaqurium den añanan 80 i tambe ku Dutch Schrier. El a tuma San Marco Hotèl di famia Pizziolo i tabata akshonista den Princes Beach Hotèl.

Pero promé di e drenta e mundu di turismo, Cocochi tabata importadó di outonan Chrysley i Nissan. Den un entrevista ku el a duna na Oscar Van Dam pa e buki pioneronan di turismo el a bisa ku su intenshon tabata pa sòru pa kos bai bon pa Kòrsou. I dor di hasi invershonnan den turismo e por a duna su kontribushon.

Cocochi Prins tabata sufri un malesa pa un ratu kaba i remarkabel ta ku e no tin masha dia ku e ta bek na Kòrsou. EXTRA ta ekspresá palabranan di kondolensia na su famia i forsa den e momentunan difísil aki

Bron: Extra

Een Reactie op “Extra | Jacobo ‘Cocochi’ Prins a fayese

  1. Minder geld voor bepaalde partijen?

Geef een reactie

Het e-mailadres wordt niet gepubliceerd. Vereiste velden zijn gemarkeerd met *