Extra | Jesus-Leito: Ta kousando deskonfiansa sin ta na nodi

Zita Jesus-Leito | Antilliaans Dagblad

Zita Jesus-Leito | Antilliaans Dagblad

WILLEMSTAD.- E manera kon a lanta e komishon di Smart Zoning ta algu ku ta trese deskonfiansa sin ta na nodi. Esei na opinion di e lider polítiko di PAR, sra. Zita Jesus-Leito, den deklarashon pa EXTRA ayera nochi.

Segun sra. Jesus-Leito, PAR for di un prinsipio i awor a bolbe vota kontra di e komishon aki.

E no ta mira un motibu pa a lanta un komishon asina siendo ku e komishon di Infrastruktura den Parlamento ta trata asuntunan di EOP etc. ku bini na diskushon kaba. No ta mira dikon mester di un komishon mas. Mester ta masha kuidadoso i kouteloso ku lantamentu di komishon asina ku defakto por bai subi tereno ku no ta di Parlamento. Staten t’ei pa kontrolá i no pa sinta riba stul di gobièrnu ni mandatarionan. E kosnan no ta bai asina. E tipo di kosnan aki ta trese deskonfiansa sin ta na nodi.

Manera ta konosí, na prinsipio di aña frakshon di MFK a presentá un moshon pa lantamentu di un komishon di Smart Zoning. Sorprendentemente Melvin “Mac” Cijntje di frakshon di Pueblo Soberano a sostené e moshon ei, loke ta nifiká ku e komishon a mira lus di bida kaba. Pero ayera den e reunion di komishon sentral a pone lantamentu di e komishon aki riba agènda i el a bin konosé otro buèlta ora ku algun miembro manera Omayra Leeflang i Humphrey Davelaar a disidí ku nan ta sali for di e komishon aki di infrastruktura.

Loke tambe ta difísil pa nan aseptá ta e echo ku a proponé pa e komishon risibí 1 mion florin pa hasi e trabou di bini ku un lei pa Smart Zoning.

Anteriormente nos a kombersá ku e lider polítiko di PNP, sr. Davelaar, i el a duna di konosé bon kla ku su frakshon lo no aseptá e komishon aki, ya ku e ta duna su minister un título di inkapasidat. Tin un komishon kaba di infrastruktura ku ta atendiendo e puntonan ku ke atenshon pa nan.

Bron: Extra

Geef een reactie

Het e-mailadres wordt niet gepubliceerd. Vereiste velden zijn gemarkeerd met *