30 C
Willemstad
• donderdag 28 maart 2024

Extra | Journaal 26 maart 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Monday, March 25, 2024

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...

Extra | Journaal 25 maart 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Friday, March 22, 2024

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...

Extra | Journaal 22 maart 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Thursday, March 21, 2024

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...
- Advertisement -spot_img

Extra | Jorge Jamaloodin a hui bai Venezuela

HomeMediaExtra | Jorge Jamaloodin a hui bai Venezuela
Ounke ku Gerrit Schotte ta ser menshoná den algun deklarashon komo un di esnan ku a duna enkargo, den lunanan promé ku morto di Wiels, tabatin kontakto telefóniko ku Nini, na e momentu aki formalmente Schotte no ta sospechoso | Anneke Polak

WILLEMSTAD.- Fiskal Rip a konfirmá ku George “Jorge” Jamaloodin a hui bai Venezuela, miéntras eks-parlamentario Kadé Wilsoe ta sospechoso ainda.

Fiskal Rip den su rekisitorio a bisa ku e resultadonan di investigashon te awor aki ta konvisente ku Ministerio Públiko por probá ku Burney “Nini” Fonseca huntu ku defuntu Luigi “Pretu” Florentina a enkargá Elvis “Mònster” Kuwas i defuntu Raul “Bolle” Martinez pa tira Helmin Wiels mata dia 5 mei 2013 i tambe a pag’é.

Tambe fiskal a bisa di ta konvensí ku Nini a keda di hür dor di terseranan pa laga ehekutá e morto. Investigashon na esnan ku a hür Nini ta sigui te ora ku haña pruebanan. Ministerio Públiko no semper por garantisá pa 100% ku tur hende ku tabata envolví den e morto lo keda sentensiá. Esaki no por den kaso Maximus tampoko. Pero si Ministerio Públiko por garantisá pa 100% ku ta hasi tur loke ta posibel, dentro di e límitenan di lei, pa por logra e meta.

No ta spar ni nada pa logra di trese e bèrdat riba mesa, tambe e prueba kontra di esnan ku ta sospechoso i ta metí ku e asesinato. Mas aleu fiskal Rip a splika ku Ministerio Públiko no tin tur kos den nan man. Nan ta dependé di otronan manera testigunan, ko-sospechosonan, wesnan i tambe outoridatnan di eksterior. Un investigashon ku ta tuma su tempu i ta kuidadoso, pasombra tur hende tin miedu di duna deklarashon.

E sospecho ku tin kontra di eks minister di finansa pa MFK, George” Jorge” Jamaloodin i su ruman hòmber Robbie dos Santos tei ainda i investigashon den nan kontra ta sigui i solamente ta hasi e kaso Maximus mas fuerte. Komo ehèmpel fiskal a duna e informashon di CID na ougùstùs 2015 ku ta bisa ku Jamaloodin a paga Nini Fonseca pa morto di Wiels; deklarashon di Kuwas ku a deklará ku Pretu a bise ku e enkargo a bin di Robbie dos Santos; deklarashon di testigu B5 ku a keda menasá ku a bisa na wes komisario ku Bolle a menshoná nòmber di Jamaloodin; deklarashon di otro testigu C3 na wes komisario ku a deklará ku Robbie dos Santos a pidi Michael Leesly pa organisá morto di Wiels.

Leesly a nenga; deklarashon di eks hefe di VDC, Edsel Gumbs na wes komisario ku a bisa ku Jamaloodin a pidi un hende pa mata Wiels; Nini a aseptá e enkargo di Jamaloodin. Den luna di mart 2016, djis despues ku outoridatnan polisial a konfiská telefòn di Jamaloodin, el a hui bai Venezuela. Resientemente el a keda detené riba petishon di Ministerio Públiko i riba término korto e lo keda ekstraditá pa Kòrsou pa entre otro morto di Wiels.

Ekstradishon di Jamaloodin i kondena di Nini lo ta pasonan importante den investigashon na esnan ku a duna enkargo pa mata Wiels. E kaso Maximus no solamente tin sospechosonan Nini, Robbie i Jamaloodin. Polis i Ministerio Públiko no ta ekskluí ku e kren di sospechosonan lo bira mas grandi.

Robbie i Jamaloodin a paga Nini pa morto di Wiels. Pa loke ta trata Elmer “Kadé” Wilsoe (eks parlamentario di Pueblo Soberano) ainda ta sospechoso i ku e a “lok uit” Wiels na Marie Pampoen, kaminda a mata Wiels, fiskal a indiká.

Ounke ku Gerrit Schotte ta ser menshoná den algun deklarashon komo un di esnan ku a duna enkargo, den lunanan promé ku morto di Wiels, tabatin kontakto telefóniko ku Nini, na e momentu aki formalmente Schotte no ta sospechoso.

Bron: Extra

Dit artikel is geplaatst in

Geef een reactie

Vul alstublieft uw commentaar in!
Vul hier uw naam in

Zoeken

Recente reacties