Extra | Kade Wilsoe ta bandona Parlamento

…“mi no ta kulpabel, pero mi tin konsenshi”…

...momentu ku Wilsoe ta anunsiá su desishon di bandoná parlamento djasabra den “Soberano City” ku a konta ku sosten di su yunan... foto FB Lucho Rosales

…momentu ku Wilsoe ta anunsiá su desishon di bandoná parlamento djasabra den “Soberano City” ku a konta ku sosten di su yunan… foto FB Lucho Rosales

WILLEMSTAD.- Elmer “Kadé” Wilsoe ta bandoná parlamento. Esaki a base di lèkmentu di un rapòrt di RST, kaminda ta señalá sr. Wilsoe komo un dje sospechosonan.

Djasabra anochi den Soberano City, Wilsoe a indiká ku awe djaluna e ta manda karta pa presidente di Staten, no pasobra e ta kulpabel, apsolutamente ku no, di otro banda e ta bisa ku ounke lei ta para na su banda, ku niun hende no por bisé nada den parlamento, e tin un konsenshi.

“Mi tin un prinsipio, un rèspèt di duna parlamento ku niun hende sospechoso no tin lugá pa nan den parlamento. Ta p’esei lo mi pidi na parlamento pa den tempu benidero mi dediká mi mes na prepará mi mes pa e guera i bataya”.

Mas aleu Wilsoe a bisa: “Un dado momentu bo tin di sigui bo konsenshi i prinsipionan i kosnan ku a para p’e, ounke e ta hasi doló i rondó di mi. Tin kos bon i tin kos ku tin di hasi. Pasobra Soberano t’asina e ta. Soberano ta enfrentá tur problema ku kara na laira i no ta doblegá”, Wilsoe a bisa.

Wilsoe a bisa ku e no ke pa niun soberano bira emoshonal. E no ke pa nan rabia. Lokual ta loke, pa nan purba via di su persona dilanti di elekshon pa daña pueblo soberano. P’esei e ta bisa awor “Ban Ben”.

“Mi ke pa e rabia, e frustrashon, e sentido di inhustisia kambi’e den energia positivo. Ounke mi ta sinti inhustisia kontra di mi, esei no ta kita ku lo mi tei, ku mente habri”.

Wilsoe ta insistí ku ounke e ta sinti ku nada di e kosnan no ta bèrdat, e tin obligashon mas grandi na komunidat di duna rèspèt na representashon di pueblo i e órgano mas grandi i haltu ku ta parlamento. Pa doloroso ku e kaminda por ta, i a trompeká, nunka mi no ta doblegá, Wilsoe a indiká. Momentu ku Wilsoe ta anunsiá su desishon, su dos yunan tabata presente komo sosten.

E dokumentashon di kaso Maximus di RST ku lèk ta indiká Wilsoe komo sospechoso number 6 i ku el a duna deklarashon engañoso i kontradiktorio riba su enkuentro na Pier di Mari Pamoen ku Helmin Wiels dia 5 mei 2013. E investigadónan di e kaso ta señalá Wilsoe komo esun ku a duna e lokalidat di afsprak ku e tabatin ku Wiels.

Pa elekshon di par l amento dia 30 sèptèmber awor, Wilsoe ta figura komo number 4 riba lista di Pueblo Soberano.

Bron: Extra

8 Reacties op “Extra | Kade Wilsoe ta bandona Parlamento

  1. “… “Mi tin un prinsipio, un rèspèt di duna parlamento ku niun hende sospechoso no tin lugá pa nan den parlamento. …”

    “Ni tampoko pa nan kobra!” was hij vergeten te zeggen.

    Respect voor het parlement betekent ONTSLAG indienen en dat is juist wat er bij de hansworstjes van de Bobo City ontbreekt.

  2. Het luie bejaarde hangbuikzwijn gaat dus met een salaris van 15,000 per maand, betaald door ons belastingbetalers, vakantie vieren.

    Wilsoe is een doorgedraaide idioot.

  3. dus wel het geld beuren , maar niks doen.
    ach ja, dat heet het goede voorbeeld nemen.

  4. Uitspraak van min.pres.Navaro de boven wereld is verweven met de
    onder wereld.Het moest een keer uitkomen.
    Kade Wilsoe lid van de mason groep met leden als fiskaal,rechters,bank-
    directeuren teveel om op te noemen allemaal v/d witte boorden ………..
    Zullen zij Kade Wilsoe vrij kunnen pleiten?

  5. Hij zal ook snel enkeltje Venezuela nemen.

  6. caribbeancynic

    Het siert hem zou je aarzelend zeggen. Of heeft hij een bijbedoeling in zijn eigen belang?

  7. Hmm maar mbt de heer Schotte zegt hij niets?

  8. Wie volgt?

Geef een reactie

Het e-mailadres wordt niet gepubliceerd. Vereiste velden zijn gemarkeerd met *