WILLEMSTAD.- Parlamento no a trata e karta di MFK relashoná ku refineria, pasobra e karta ku petishon di reunion en kuestion a ekspirá djamars último, debí ku e miembro ku a hasi petishon ku ta sr. Amerigo Thodé, no ta miembro di parlamento ku a sinta ayera.
Ademas di e tópiko dje reunion no tabata kuadra ku punto di agènda ayera ku por a trat’é. Esaki ta e splikashon ku Humphrey Davelaar a duna na parlamentario Gilmar “Pik” Pisas.
Den e promé reunion ayera pa instalá presidente i visepresidente di parlamento, na inisio di e reunion, Pik Pisas a bini ku proposishon di órden relashoná ku karta ku nan frakshon di MFK a manda djamars parlamento relashoná ku petishon di reunion públiko pa para tur proseso rondó di refineria, i nombramentu den aparato gubernamental.
Señor Pisas a sigui bisa ku nan frakshon a pidi pa agregá e punto aki riba ageno di ayera. Pasobra frakshon di MAN tambe a manda karta pidi reunion riba mesun tema, i parlamento ku ta e orégano mas haltu por disidí esei.
E frakshon a proponé pa den e promé tanda por papia 5 minüt i di dos tanda ta 2 minüt.
Davelaar a splika sr. Pisas ku konforme artíkulo 72 di reglamentu di órden, ora tin proposishon di órden pa pone na votashon den sala, e mester referí na un dje puntonan di agènda di ayera.
En bista di loke ku Pisas ta pidi pa agregá un punto di agènda nobo, ku no tin anda di aber ku e punto di agènda di ayera, no por poné e punto di agènda aki na votashon i esei lo keda atendé riba un otro fecha.
Seguidamente Pisas a pidi pa pone e punto di agènda komo algu urgente, i nan a manda pidi e reunion for di djamars pues promé ku e reunion a inisiá ayera.
Davelaar a kontestá ku e karta a ekspirá djamars i ta firma pa un miembro ku no ta den parlamento mas. Sra. Constancia tambe a duna su reklamo ku e reunion no por keda tené.
Finalmente Davelaar a pidi tur hende pa wak nan reglamentu di órden.
El a ripití si bin ku proposishon di órden i no ta referí na punto agènda ku ta ser tratá e momentu ei, no por agreg’é.
Djamars parlamentario ainda Amerigo Thodé a man da e kar t a indikando ku mirando e akontesimentunan rondó proseso pa yega na un gobièrnu nobo, sigur pa loke ta trata e karta pa gobièrnu demishonario para tur proseso andando entre e tim MDPT i RDK pa ku negoshashon di futuro di refineria, Frakshon di MFK refiriendo riba artíkulo 64 di Reglamentu di órden, a pidi un reunion públiko ku e tema ya menshoná.
Den e mesun karta ei ku ta un karta di Partido MAN, nan ta pidi tambe pa para tur nombramentu ku ta tumando lugá den aparato gubernamental i den kompanianan di gobièrnu, te ora ku gobièrnu nobo sinta,
Frakshon di MFK ta kere ku ta importante pa agregá e punto di agènda aki, na e promé reunion públiko ku karakter di urgensia.
Manera indiká e petishon di e reunion aki no por keda tratá ayera.
Bron: Extra