WILLEMSTAD.- Abogado general (AG) mr. Angela a ripití den korte apelashon ku e kaso Babel no ta unu polítiko, e ta simplemente un kaso manera tur otro. OM ta para kompletamente for di polítika i tampoko ta meskla den esaki.
Un dje akusadonan ta un polítiko, ta loke ku AG a indiká den kaso Babel. Kaso Babel ta referí na lider polítiko di MFK Gerrit Schotte i su partner Cicely van der Dijs.
Mr. Angela a mustra un dokumentashon hopi chikí for di kual el a bisa ku investigashon kontra di Schotte a start. E investigashon a kuminsá ku labamentu di plaka, MOT meldingnan den desèmber di 2010.
Mas aleu AG a menshoná karta di FAS ku a drenta ku masha tantu ‘bijlage’ pa investigá. Pero investigashon no solamente a kuminsá ku MOT melding nan, pero riba sospechoso di labamentu di falsifikashon i hasta iregularidat ku tarheta di krédito.
Medio 2012 un mail a drenta for di outoridatnan di Italia ku a hasi investigashon den kaso di amigu di Schotte, Corallo. Den e kaso a haña dos faktura di e kompania BetPlus di Corallo. Dos faktura di Cicely van der Dijs.
Tambe rumornan ku tabatin rondó di Schotte, Prokurador General a laga investigashon kuminsá kontra di Schotte via di Landsrecherche.
Pa loke tr a ta e “jammers” nan, AG a bisa ku ta ministerio públiko su tarea di persiguí esnan ku tin e aparatonan aki kontra di lei.
Pa loke ta trata investigashon di ekspertonan ku defensor di Schotte i van der Dijs a pidi, AG a indiká di lo ta warda esakinan yega. Ta muchu prematuro pa e duna un deklarashon. tambe AG a bisa di lo duna un imágen forensiko di loke OM a hasi na investigashon den e kaso aki.
Bron: Extra