WILLEMSTAD. – Norbert George akinan yegando Palasio di Hustisia ayera atardi su so, sin abogado pa defendé su mes kontra di e huisio sumario ku Ministerio Públiko a entamá den su kontra.
George tabatin un nota di defensa amplio i motivá p’asina trata di hustifiká su punto di bista i tabata bisto ku su esfuerso ta pa e no rektifiká. George ta di opinion ku el a skibi algu riba media sosial ku ta un pensamentu a base di loke ku Ives Cooper mes a bis’e, esta ku e ta riba payroll pa yuda plama informashonnan pa Ministerio Públiko. Cooper a bisa ku nunka esei tabata e kaso, miéntras George ta para riba su punto. E kaso a konosé un buèlta ayera ora ku Cooper a testiguá i desbaratá e loke ku George ta para su tras.
Bron: Extra