WILLEMSTAD.- Awe korte ta kontinuá ku tratamentu di e kaso di labamentu di plaka di grupo ulandes den Campo Alegre. E akusado pa presentá den sala di korte awe ta e hòmber ulandes Robert d. G.
Aña pasá e kaso a keda posponé den luna di yüni, i awe ta kontinuá. E motibu ku e kaso no a sigui den luna di yüni ta pasobra e sospechoso ku ta biba na Ulanda, no a bin Kòrsou pa tratamentu di e kaso. Pasobra el a haña un infekshon ku ta impedí su bulamentu pa Kòrsou.
E kaso ta trata di un investigashon ku a kuminsá for di 1998 te ku 2010, i ta hasi menshon di labamentu di plaka di miónes.
Ministerio Públiko ta akusá e partner(nan) ulandes di Campo Alegre pa labamentu di plaka. Ministerio Públiko a start persiguishon kontra di e grupo aki, despues di e loke ku a bin dilanti den e kasonan sivil ku Campo Alegre tabata metí aden.
Mas òf ménos 6 mion florin a keda invertí den Campo Alegre pa hasi e sentro nokturno aki atraktivo. E suma aki a bin di un grupo ulandes ku e tempu ei van Ierland a negoshá ku nan. Pa e invershon aki e grupo a bira doño di e sentro di prostitushon pa 50% porshento.
Esaki ta nifiká e edifisionan i tambe operashon etc.
E eksplotashon di e sentro nokturno ta den man di un otro kompania, ku tin dipagahüriefasilidatnan serka e kompania ku e grupo ulandes ta sosio aden.
Despues ku Ministerio Públiko a atendé e kaso penal kontra di van Ierland i despues a sigui vários kaso sivil i kasonan kaminda ku Ministerio Públiko ta buskando e plaka ku korte a kondená ku e kompania ku van Ierland tabata representá e 50%, pa paga sumanan kuantioso bèk, konsiderando ku e plaka aki ta plaka ku a bin for di baho mundu.
Durante e vár ios kasonan ku a keda tratá tantu penal komo sivil, hopi kos a sali na kla ku Ministerio Públiko ke sa di undae6mionflorinabin di parti di e grupo ulandes pa invertí den Campo Alegre.
Esaki ta loke ku e grupo no a laga Ministerio Públiko sa di unda e plaka a bin. Tin beslagnan grandi ku Ministerio Públiko a logra pone kaba riba algun di e kuentanan bankario di e grupo ulandes.
Robert d. G. ta un konosí di outoridatnan hudisial lokal, ya ku na 2009, el a keda sentensiá pa kaso di violashon di un hobensita. E hobensita tabata yu di un muhé kolombiano ku Robert tabata biba kuné. Na desèmber 2009, korte apelashon ta konfirmá kastigu pa Robert di 4 aña di prisòn.
Awe ta di mira si e kaso ta kontinuá i ku e akusado ta presentá den sala di korte.
Bron: Extra