WILLEMSTAD.- Korte ayera a duna veredikto den un kaso di violashon seksual di un menor di apénas 12 aña. Ta trata di un kaso di aktonan inmoral, kaminda aparentemente e damita di 12 aña tabata proboká pareha di su mama seksualmente.

Pa ku esaki e akusado R. V. di 40 aña, ta keda akusá di a kometé un fayo garafal dor di a tene relashon ku e damita, den periodo di 2014 pa komienso di 2015. Mester bisa ku tabata algu lamentabel pa tende kon e aktonan tabata tuma lugá.

Despues ku fiskal a hasi un demanda di 6 aña , ayera V. a keda kondená na 36 luna di kual 6 kondishonal ku un periodo di prueba di 3 aña.

Mirando e transparensia di korte den kasonan públiko, tur palabra ku ta keda uzá den aktonan seksual, a bin dilanti durante ku hues tabata lesa e deklarashonnan di tantu e damsita i di e akusado. E akusado tabata pareha di e mama di e víktima.

Segun e deklarashon di e akusado, dia ku el a bai biba na e kas, e damsita tabata busk’é di tur manera. E tabata bisti paña nan basta yamativo den kas. E akusado a sigui konta ku ora e tabata riba kama drumí banda di mama di e damsita, e kriatura tabata pasa su man na su parti íntimo i despues pas’é bou di nanishi di e akusado.

Mainta ora e lanta fo’i soño e damsita tabata mustr’é fotonan ku e tabata saka pará den un posishon provokativo i sensual na hombresa di e akusado sin ku esaki sa. El a bisa ku el a kuminsá tene relashon ku e damsita, despues di 6 luna ku e tabata den e kas. Tabatin bia ku el a kumpra pil pa e damsita no sali na estado.

Akusado a bisa ku e ta kòrda ku el a tene relashon 4 bia ku e damsita pero ta lamentá esaki inmensamente. Na polis e damsita a deklará vários kos detayadamente . El a konta ku despues di dos luna ku e akusado a bin keda serka nan, el a kuminsá tene relashon kuné.

El a sigui deklará ku esaki a pasa vários bia pero ta kòrda sigur e 5 bia nan último. E damsita a konta detayadamente kon tur kos tabata bai i ku asta e mes tabata para den sierto posishon pa e akusado penetr’é.

Segun e damsita algun di e biaha nan ei, ora e akusado drenta den su kamber e tabata bras’é sunchi e i despues subi parti ariba di e akusado. E damita a konta tambe ku na dos okashon ku e tabatin su regla, e akusado a bin pa tene relashon kuné, el a opta pa hasi sèks oral ku e akusado.

Fiskal den su rekisitorio a duna di konos’é ku apesar ku ta e damita a provoká e akusado, e mester tabata sa mihó i par’é mirando ku ta trata di un menor. Fiskal ta haña e akusashon probá i ta demand’é e akusado na 6 aña di prizòn

Abogado di e akusado a bisa den su defensa, ku su kliente a atmití su kulpabilidat semper i pa korte tene kuenta ku e damsita mes a trata na protehá e akusado aparte di tabata provok’é.

Ayera den e veredikto, hues a duna di konosé ku e kaso tabata difísil pa pensa, teniendo na kuenta ku e sirkunstansianan i e konfiansa ku tabatin den dje. Tambe hues a relatá den e veredikto, ku e akusado a partisipá den e aktonan sin konsiderá e bienestar di e mucha, sea si e tabata gusta òf no.

Hues a bisa e akusado , ku e ta esun responsabel, mirando ku ta trata aki di un mucha chikí. Segun e rapòrt di Reclassering, nan ta haña ku e akusado mester tin un tiki mas konsenshi pa loke ta bon òf malu.

Bron: Extra

Mama di menor di 12 aña desapuntá ku veredikto di korte

WILLEMSTAD.- Mama di e kriatura di 12 aña ku a bira víktima di su pareha ku e tempu ei tabatin 38 aña, tempu ku e tabata tene relashon kuné, a bisa di ta hopi rabiá ku e veredikto ku e akusado a haña.

Segun e mama, su eks pareha a destruí nan bida i a pone ku awe e ta leu for di su yu muhé. E mama a bisa nos di Extra ku apesar ku el a pordoná e hòmber, esei no ta kita ku e no ke pe sinta su kastigu.

E mama ku awa na wowo a bisa di a keda hopi desapuntá mirando ku e kastigu ku su eks a haña, pa e no ta sufisiente pa tantu daño ku el a hasi. Segun e mama, hopi hende a tum’é na malu, pasó el a bisa di a pordoná e hòmber.

El a bisa ku e mester a hasi esaki pa motibu ku e tin ku sigui biba. Segun e mama e no tabata na altura kiko tabata pasando den su kas i nunka por a pensa algu asin’aki.

Tambe el a bisa di ta desapuntá pa motibu ku su vehíkulo a keda kima di kual el a kana tur su kaminda nan pero no a hancha niun tipo di yudansa.

Segun e mama, e ta sintié menasá fo’i despues ku nan a kima su vehíkulo i ta sospechá ku esaki a keda hasí pa su eks. Al final e mama a bisa di ta spera ku hustisia lo prevalesé.

Bron: Extra