WILLEMSTAD,- Lider di partido MAN Hensley Koeiman ayera tabata presente durante reunion pa un gobièrnu nobo na Santa Barbara Beach & Golf Resort. Despues di reunion Koeiman a splika ku formashon a bai bon. ‘Nos a yega na otro. Formador tin ku bai gobernador pa duna su relato.’
Koeiman a splika ku awor tin un gobièrnu basá riba 11 asiento den Parlamento, ku ta MAN, PAR, PNP i Pueblo Soberano. Riba pregunta si Koeiman ta bira minister-presidente, Koeiman a splika: ‘Nos tin ku wak. Bo ta kere ku ta lógiko si. Pero nos ta un partido hopi demokrátiko i nos ta bai atendé esei den un forma korekto.’
Presidente di partido PNP Henny Reinilia tambe tabata presente: ‘Nos ta satisfecho ku e manera ku kombersashon a bai. Nos a yega na un akuerdo. Gobièrnu a forma.’
Lider di partido Pueblo Soberano Jaime Cordoba a splika: ‘Nos a yega na un akuerdo. Nos a hasi esaki den tur trankilidat. Ora bo ta reuní den edifisio di parlamento bo no tin trankilidat. Tin hende ta riba bo. Na Santa Barbara nos tin mas pasenshi.’
Pa rlament a rio pa partido MAN Giselle Mc William tambe a splika ku deliberashon a tuma lugá den un ambiente trankil. ‘Nos a reuní ku Kòrsou dilanti. Gobièrnu a forma i mi te kere ku tur hende por drumi trankil awe nochi.’
Otro parlamentario pa partido MAN, Elsa Rozendal a splika ku e ta satisfecho ku e manera ku kombersashon a tuma lugá ayera na Santa Barbara Beach & Golf Resort.
Bron: Extra