Extra | Leeflang: Stòp ku MDTP i bini ku tim negoshadó

Omayra Leeflang (UKH) | Foto Extra

Omayra Leeflang (UKH) | Foto Extra

WILLEMSTAD.- Segun lider di frakshon di partido Un Kòrsou Hustu, Omayra Leeflang, a yega na un punto pa bisa “Danki pa tur esfuerso. Pero te aki” na tur miembronan di tim multidisiplinario (Multi Disciplinary Project Team – MDPT).

Leeflang no ta kere ku e tim multidisiplinario por sigui mas. Leeflang ayera a papia durante reunion públiko di parlamento tokante akuerdo ku a keda firma ku kompania chines Guandong Zhenrong. Manera ta konosí tim multidisiplinario a keda lantá pa buska un kompania pa sigui ku refineria despues di 2019. Tim ta bou di presidensia di Werner Wiels.

Leeflang ta bisa ku su posishon tin nada negativo. ‘E grupo ta demasiado grandi. Bo no por negoshá ku un grupo asina grandi.’ Tambe Leeflang ke sa kon desishon ta wòrdu tuma den un grupo asina grandi. E ke sa kiko ta e struktura di e grupo. P’esei el a bisa ku mester bin ku un tim negoshadó. Ku mester ta mas chikitu i ku un struktura totalmente otro. Tambe, segun Leeflang tin un gastamentu di plaka formal dor di tim multidisiplinario. Manera ta konosí e tim resientemente a publiká diferente aviso den korantnan lokal. Segun Leeflang ta sèn tin ku no kaba. ‘Mi ke sa kuantu sèn a gasta te awor aki den tim multidisiplinario. P’esei mi ke mira e kuentanan anual.”

Mas aleu Leeflang a bisa ku ta konosé “atrakonan sivilisá” na Kòrsou. ‘Ku ta nifiká ku komo gobièrnu bo ta lanta un komishon, fundashon òf BV anto pasa plaka bai aden. Despues para ei den i bo ta tuma bo parti di e sèn.”

Segun Leeflang esaki mester stòp. Segun Leeflang Guandong Zhenrong lo finansiá un plan pa bin ku desaroyo di nos forsa laboral. Esaki lo ta den man di Stichting Studiefinanciering (SSC). Segun Leeflang e organisashon no ta e organisashon mas adekuá pa hasi e trabou. Leeflang ta teme ku esaki ta un posibel manera pa haña sèn pa un grupito, sin kontrol. P’esei e ta pone atenshon riba e proseso i el a puntra gobièrnu pa splikashon riba e punto ei.

Bron: Extra

Een Reactie op “Extra | Leeflang: Stòp ku MDTP i bini ku tim negoshadó

  1. Goed beargumenteerd en helemaal mee eens Omayra. Dit team heeft genoeg geld gekost en de transparantie was ver te zoeken. Het team heeft haar opdracht/ taak volbracht. Nu een punt erachter zetten en een ander deskundig onderhandelingsteam aanstellen.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *