Extra | “Lidernan mustra madures i traha ku otro”

“Lidernan mustra madures i traha ku otro”

WILLEMSTAD.- Eks minister i eks polítiko Rutsel Martha ta haña ku si tin opshon riba mesa dikon un elekshon awor. Pero si promé minister a pidié, lo mester hasié.

E sistema polítiko na Kòrsou ta vulnerabel. I p’esei e ta kere mester kambi’é, loke semper el a bisa tambe.

Komo eks minister i eks polítiko ku a representá nos pais den eksterior na puestonan haltu EXTRA a papia ku Rutsel Martha kende ta haña ku despues di elekshon a bin ku formashon muchu lihé i p’esei e kosnan aki ta pasa i p’esei tambe un gobièrnu real nunka por a kristalisá.

Un situashon similar segun sr. Martha a sosodé na prinsipio di añanan 60 i e tempu ei Ulanda a kai aden i a pone medida di alto supervishon. I esei a sosodé pasobra tabatin demasiado kambio di gobièrnu un tras di otro.

Sinembargo awor aki tin un deskonfiansa entre lidernan di tal forma ku nan no ta komuniká ku otro. I esaki na su turno ta fomentá instabilidat i ku figuranan ku no por yega na entendimentu ku otro. Awor sr. Koeiman a pidi pa elekshon nobo i esei mester sosodé, sinembargo sr. Martha ta kere ku mester bisa realmente ta kiko a sosodé ku mester yega na elekshon nobo. A analisá ku tin otro opshon riba mesa promé ku bai pa elekshon nobo? Ta diferente kombinashon posibel tin i sr. Martha ta kere ku mester purba nan promé ku yega na elekshon nobo. Pasobra ken sa si resultá ku e resultado di elekshon nobo ta meskos ku na òktober pasá, kiko lo bai sosodé?

“Ami lo no yama elekshon nobo pasobra tin diferente opshon riba mesa na e momentu aki”, sr. Martha a bisa EXTRA.

Ta for di ougùstùs ku a postulá kandidatonan pa elekshon tin insertidumbre den nos pais. Despues a bin elekshon i kos no a kana zetá. A sigui diferente turbulensia den gabinete Koeiman i awor ke bin elekshon nobo. Kiko lo pasa si elekshon nobo trese e mesun situashon. Si mira e patronchi elektoral for di 2009 pueblo ta parti den dos, sr. Martha a bisa.

E ta kere ku e lidernan mester buska moda di traha ku otro en bes di pone e solushon den man di pueblo. Pa yega na tipo di kooperashon nan aki, sr. Martha ta kere ku e lidernan mester ta dispuesto na traha ku otro.

I el a duna komo ehèmpel dor enemigu den pasado ku ta Nashonal i Demokrat ku dado momentu a yega na konklushon pa traha ku otro. Esaki ta mustra madures polítiko i ta aki nos tin di yega, asina Rutsel Martha a terminá bisando.

Bron: Extra

3 Reacties op “Extra | “Lidernan mustra madures i traha ku otro”

  1. Met dank aan Schotte!

  2. Curaçao Independiente

    Un elekshon nobo por hiba na menos hende ainda kier bai vota, e konfiansa di suidadanonan ku politikonan ta buska un solushon duradero ta birando menos. E hortamentu di asiento ku den pasado a hiba na kaida di gobiernu Kabinete Schotte i di kua a debilita Kabinte Koeiman foi kuminsamentu, ta kita konfiansa . Aworaki nos sa ki ta e resultado, pero mas aun pa kiko e pueblo tin bai vota atrobe? Pa asina laga forma un gobiernu ku ta bai kai probablemente den algun lunan atrobe…..foi 2010 te aworaki a sinta 6 kabinete kaba! Nada saludabel pa Pais Kòrsou i su suidadanonan.

  3. Maatje van Schotte..

Geef een reactie

Het e-mailadres wordt niet gepubliceerd. Vereiste velden zijn gemarkeerd met *